Arturo Araujo
Arturo Araujo Fujardo (født i 1878 i Santa Tecla - døydde 1. desember 1967 på militærsjukehuset i San Salvador) var ein salvadoransk politikar, landeigar og utdanna ingeniør ved Universitetet i El Salvador. Han representerte Partido Trabajo, arbeidarpartiet i El Salvador.
Då han stilte til val lova han landfordeling og sysselsetting. Særleg fekk han støtte frå indianske landsbyar i dei vestlege departementa. Han appellerte til arbeidarklassen i byane og middelklassen, og også med særskild oppmoding til bøndene og dei indianske samfunna.
Han var president i El Salvador frå 1. mars 1931 til 2. desember 1931, då han vart kasta frå makta gjennom eit militærkupp utført av general Maximiliano Hernández Martínez, som var forsvarsminister i Araujos regjering. Kuppet var støtta av fleire sentrale militære leiarar. Araujo flykta til Guatemala for å redda livet sitt.
Føregangar Pío Romero Bosque | President i El Salvador 1931–1931 | Etterfylgjar Maximiliano Hernández Martínez |
