Fdzfgy

Hammerfest kommune
kommune
kommunevåpen
Land	Noreg
Fylke	Finnmark
Adm.senter	Hammerfest
Areal	849 km²
- land	819 km²
- vatn	30 km²
Folketal	10 533 (1. januar 2018)
Folketettleik	13 / km²
Målform	nøytral
Ordførar	Alf E. Jakobsen (Ap)
Kommunenr.	2004
Wikimedia Commons: Hammerfest
Nettstad: www.hammerfest.kommune.no

Hammerfest (nordsamisk: Hámmárfeastta gielda, kvensk: Hammerfesti komuuni^[1]) er ein bykommune i Finnmark fylke. Kommunen ligg på øyane Kvaløya, Seiland og Sørøya, og grensar til Kvalsund i aust, Alta i sør og til Hasvik i vest. Byen Hammerfest ligg på Kvaløya, som er forbunde med bru til fastlandet. Hammerfest er ein av verdas nordlegaste byar, på 70°40' nordleg breidde. Andre tettstadar i kommunen er mellom anna Rypefjord,Forsøl, Akkarfjord, Hønseby, Hellefjord, Kårhamn, Skarvfjordhamn og Sandøybotn.

Sjølv om han ligg langt nord for polarsirkelen, har byen ei isfri hamn. Hammerfest har tradisjonelt vore eit senter for fiskeri, handel, kommunikasjonar og offentlege tenester i Vest-Finnmark. I dag er byen også sterkt prega av utbygginga av Snøhvitfeltet, sidan gassen frå feltet skal førast i land og skipast ut i ein LNG-terminal på Melkøya utanfor byen. I 2005 kom Hammerfest på UNESCO si verdsarvliste med det nordlegaste målepunktet i Struves meridianboge.

Alf E. Jakobsen vart valt som ordførar hausten 2007, men sit på Stortinget som vara for Karl Erik Scjøtt Pedersen. I den perioden er Kristine Jørstad Boch ordførar

Historie |

• 
  1684: Hammerfest fekk kyrkje og prest. Folketalet låg på rundt 60 personar.


• 
  1764: Innbyggjarane i byen mista handelsretten sin etter befaling av kong Frederik V av Danmark. Dette førte til at Russland byrja å sende skip med korn til Hammerfest, den såkalla Pomorhandelen.


• 
  17. juli 1789: Hammerfest fekk bystatus.


• 
  1809: Byen blei plyndra av to engelske fregattar under Napoleonskrigen. Etter dette blei det bygd ein skanse på Fuglenes.


• 
  1856: Byen blei øydelagd av ein særs kraftig orkan. Ei internasjonal innsamling skaffar pengar til å byggje byen opp att.


• 
  1859: Det første fyret i Finnmark blei bygd på Fuglenes. Byen fekk den første reguleringsplanen sin.


• 
  1868: Det første vassverket i Hammerfest blei bygd.


• 
  1870: Oppføring av ein telegrafstasjon som blei brukt av heile Finnmark.


• 
  1890: Ein bybrann la 2/3 av byen i oske. Under gjenoppbygginga fekk Hammerfest eit kommunalt elektrisitetsverk og blei i 1891 den første byen i nord-Europa som fekk elektrisk gatelys.


• 
  1944: Innbyggjarane blei tvangsevakuert av den tyske okkupasjonsmakta, og byen blei systematisk brent og øydelagt. Berre det vesle gravkapellet frå 1939 blei ståande att.


• 1950-talet: Hammerfest blei bygd opp att etter ein heilt ny reguleringsplan. Fiskeribedrifta Findus var blant dei mest moderne i Europa, med nymotens fryseteknikk som tillét eksport av fisk i stor skala.


• 
  1980: Barentshavet blei opna for leiteboring etter olje og gass. Hammerfest blei base for supplyskip og helikopter.


• 
  1992: Hammerfest blei slått saman med nabokommunen Sørøysund.

Hammerfest. Bilete teke i juni 2005.

• 
  2002: Statoil starta bygginga av ein LNG-terminal på Melkøya for å ta imot gass frå Snøhvitfeltet i Barentshavet.

Folketalsutvikling |

Folketalsutvikling for noverande Hammerfest kommune frå 1920:

Tettstader i kommunen |

• Hammerfest - 8 052 innbyggjarar per 1. januar 2017


• 
  Rypefjord - 1 838 innbyggjarar per 1. januar 2017

Venskapsbyar |

• 
  Ushuaia
  


• 
  Ikast
  


• 
  Torneå
  


• 
  Trelleborg
  


• 
  Petersburg
  

Anna |

«Hammerfest» er namnet på ein romstasjon i romanen A Deepness In the Sky av Vernor Vinge.

Fotnotar |

Bakgrunnsstoff |

• Nettstaden til Hammerfest kommune


• Statoil si informasjonsside om Snøhvitfeltet


• 
  Hammerfest får elektrisk lys på http://www.gasskraft.com
  

Kommunar i Finnmark
Alta Berlevåg Båtsfjord Gamvik Hammerfest Hasvik Karasjok Kautokeino Kvalsund Lebesby Loppa Måsøy Nesseby Nordkapp Porsanger Sør-Varanger Tana Vadsø Vardø