Kunstløp
![](http://upload.wikimedia.org/wikipedia/commons/thumb/b/bd/Isabelle_Delobel_%26_Olivier_Schoenfelder_EX_Lift_-_2007_Europeans.jpg/220px-Isabelle_Delobel_%26_Olivier_Schoenfelder_EX_Lift_-_2007_Europeans.jpg)
Europameistarar i 2007, Isabelle Delobel og Olivier Schoenfelder.
![](http://upload.wikimedia.org/wikipedia/commons/thumb/6/66/Edgar_and_Madge_Syers.jpg/220px-Edgar_and_Madge_Syers.jpg)
Kunstløparinna Madge Syers-Cave og ektemannen hennar under Olympiaden i 1908.
Kunstløp er skeiseløp der anten individuelle utøvarar, eller kvinner og menn i par eller i grupper, utfører piruettar, hopp og andre øvingar på is, vanlegvis til musikk. Kunstløp er offisiell grein i vinterolympiadar, og det vert dessutan tilskipa verdsmeisterskap og andre internasjonale og nasjonale kunstløpkonkurransar.
Kunstløp vert òg synt fram som rein underhaldning i form av ofte store og påkosta framsyningar der mange profesjonelle utøvarar tek del.
Til kunstløp vert det nytta særleg utforma kunstløpsskeiser der skeisestålet har ei avrunda form i framkant.
|