Fdzfgy

República Oriental del Uruguay (norsk: Uruguay, uruguayansk)
Flagg Riksvåpen
Nasjonalsong	«Orientales, la Patria o la tumba»
Motto	spansk: Libertad o Muerte (Fridom eller død)
Offisielle språk	Spansk
Hovudstad	Montevideo
Styresett President	Republikk Tabaré Vázquez
Flatevidd  – Totalt  – Andel vatn	176 215 km² (90.) 1,5 %
Folketal  – Estimert (2017)  – Tettleik	3 360 148 (132.) 19,1 /km² (163.)
Sjølvstende   - Erklært   - Anerkjent	Frå Brasil 25. august 1825 28. august 1828
Nasjonaldag	25. august
BNP  – Totalt (2015)  – Per innbyggjar	72 360 mill. USD (93.) 22 800 USD (61.)
Valuta	Uruguaisk peso
Tidssone	UTC -3
Telefonkode	+598
Toppnivådomene	.uy

Uruguay er ein republikk i Sør-Amerika som grensar til Brasil, Argentina og Atlanterhavet. Landet er det nest-minste landet i Sør-Amerika og er eit av dei mest politisk og økonomisk stabile.

Namnet Uruguay kan vere samansett av dei indianske orda uru, som tyder fugl, og guay, som tyder hale, som òg er namnet på ein fugleart som var svært vanleg i Uruguay.

Historie |

Landet var ein del av det spanske koloniriket fram til 1821, då Brasil annekterte landet. Uruguay vart sjølvstendig i 1828. I kolonitida vart området kalla Banda Oriental, det vil sei austbreidda av elva Uruguay.

Folkesetnad |

Som eit spanskspråkleg land i Latin-Amerika, har dei fleste uruguayarar ein spansk-kulturell bakgrunn, sjølv om om lag ein fjerdedel av befolkninga har italiensk bakgrunn. Rundt 88 % av befolkninga har hovudsakleg europeisk bakgrunn medan mestisar (8 %) og mørkhuda (4 %) er dei største etniske minoritetane.

Av religiøs tilknyting er 66 % rekna som katolikkar, 2 % som protestantar (2 %) og 1 % som jødar. 31 % er noko anna. Kyrkje og stat er offisielt fråskilde.

Klima |

Uruguay har eit mildt, fuktig, subtropisk klima med nedbør i alle årstidene. Den kaldaste månaden er juli, med ein snittemperatur på 10–13 °C, medan den varmaste er januar, med ein snittemperatur på 22–25 °C. Årsnedbøren varierer mellom 900 og 1 300 millimeter. Framstøyt av kald luft frå sørvest (pamperos) kan stundom gje kraftige byer og sterke temperaturfall.

Geografi |

Heile den sørlege delen av Uruguay er lågland. Innlandet er for det meste samansett av småkupert bakkeland som ligg 200–300 m.o.h. Den høgaste toppen er 540 m. Det meste av landet er dekt av grassletter, sokalla pampas. Langs elvebreiddene veks det spreitt skog, og i dei sørlegaste områda finst somme område med savanne.

Departement |

Uruguay består av 19 departement (departamentos):

• Artigas


• Canelones


• Cerro Largo


• Colonia


• Durazno


• Flores


• Florida


• Lavalleja


• Maldonado


• Montevideo


• Paysandú


• Río Negro


• Rivera


• Rocha


• Salto


• San José


• Soriano


• Tacuarembó


• Treinta y Tres

Wikimedia Commons har multimedia som gjeld: Uruguay