Rättviks kommun
| Rättviks kommun | ||
kommune | ||
 | ||
| ||
| Land |  Sverige | |
|---|---|---|
Len | Dalarnas län | |
Landskap | Dalarna | |
Centralort | Rättvik | |
| Areal | 2 149,09 km² | |
| - land | 1 932,02 km² | |
| - vatn | 217,07 km² | |
| Folketal | 10 883 | |
| Folketettleik | 6 / km² | |
 | ||
Wikimedia Commons: Rättvik Municipality | ||
Nettstad: www.rattvik.se | ||
Rättviks kommun er ein kommune i Dalarnas län i Sverige. Kommunen grensar til fire andre kommunar i Dalarnas län. Desse er Falu kommun i søraust, Leksands kommun i sør, Mora kommun i sørvest og Orsa kommun i vest. I tillegg grensar han til to kommunar i Gävleborgs län, Ovanåkers kommun i aust og Ljusdals kommun i nord. Administrasjonssenteret i kommunen er Rättvik.
Rättvik er ein jord- og skogbrukskommune med eit kupert og skogkledd terreng. Ein finn treindustri i kommunen, i tillegg til at det er lange tradisjonar for kalkutvinning. Turisme er også ei viktig næring i kommunen.
Innhaldsliste
1 Administrativ historikk
2 Kommunevåpenet
3 Tettstader
4 Kjelder
5 Fotnote
Administrativ historikk |
Boda landskommun braut 1. mai 1875 ut av Rättviks landskommun. I 1910 vart Rättviks municipalsamhälle oppretta. Ved kommunereforma i 1952 vart det ikkje gjort endringar i området, men i 1963 vart Boda sameina med Rättvik att og i 1966 vart municipalsamhället oppløyst. Rättviks kommun i si noverande form vart oppretta i 1974, då Ore vart innlemma.
Kommunevåpenet |
Blasonering: Firedelt skjold, felt 1 og 4 i raudt med ei ståande øks av gull, felt 2 og 3 i gull med to piler [i blått].[1]
Våpenet vart fastsett for Rättviks socken i 1948, bileta kjem frå eit soknsegl frå 1600-talet. Også landkommunane som gjekk inn i Rättviks kommun på byrjinga av 1970-talet hadde eigne heraldiske våpen. Det fanst dermed tre våpen etter kommunereforma på byrjinga av 1970-talet. Det var den namngjevande eininga sitt våpen som vart valt til kommunevåpen og registrert hjå Patent- och registreringsverket i 1979.
Tettstader |
Det er seks tettstader i Rättviks kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
| Nr. | Tettstad | Folketal |
|---|---|---|
| 1. | Rättvik | 4 588 |
| 2. | Vikarbyn | 1 208 |
| 3. | Boda | 576 |
| 4. | Furudal | 449 |
| 5. | Gulleråsen | 365 |
| 6. | Nedre Gärdsjö | 248 |
Kjelder |
- Artikkelen var opphavleg basert på ei omsetjing av «Rättviks kommun» på Wikipedia på svensk.
- «Rättvik» på Store Norske Leksikon.
Fotnote |
↑ «Sköld kvadrerad: fält 1 och 4 i rött en stolpvis ställd bila av guld, fält 2 och 3 i guld två korslagda dalpilar.».
Kommunar i Dalarnas län i Sverige | ||
|---|---|---|
Avesta · Borlänge · Falun · Gagnef · Hedemora · Leksand · Ludvika · Malung-Sälen · Mora · Orsa · Rättvik · Smedjebacken · Säter · Vansbro · Älvdalen |  | |
Sjå òg: Liste over Sveriges kommunar | ||
|
