Gammalkatolikkar
Domkyrkja i Utrecht. Erkebiskopen i Utrecht leiar den gammalkatolske kyrkjekongressen.
Gammalkatolikkar er ei religiøs gruppering som oppstod på 1700-talet grunna strid mellom ulike kyrkjesamfunn og paven. Dei godtek doktrinane fra dei sju kyrkjekonsila frå før det store skismet i 1054, og legg elles vekt på Vincent av Lérins si utsegn om å tru på «det alle, alle stader, alltid har trudd».[1]
Den jansenistiske Utrecht-kyrkja braut banda med Roma då ho blei ekskommunisert i 1724. Det første Vatikankonsilet i 1870 førte til meir usemje, der kyrkjer som mellom anna ikkje godtok trua på paven som ufeilbarleg, også blei ekskommuniserte. I 1889 gjekk nederlandske og tyske kyrkjer saman i Utrecht-unionen. Sidan har erkebiskopen av Utrecht vore leiaren for den internasjonale gammalkatolikk-kongressen.
Dei gammalkatolske kyrkjene er nært knytt til den anglikanske kyrkja, som ho er i kommunion med.[2] Dei er også medlem av Kyrkjenes verdsråd.[3]
Kjelder |
↑ «quod ubique, quod semper, quod ab omnibus creditum est». Bowker, John. «Vincentian Canon». The Concise Oxford Dictionary of World Religions. Oxford University Press, 2000; «The Vincentian Canon of St. Vincent of Lerins». Ancient-future.net. Henta 2010-04-25.
↑ «Churches in Communion with the Church of England». Europe.anglican.org. 2009-04-08. Henta 2010-04-25.
↑ «Old-Catholic Church in the Netherlands». Oikoumene.org. Henta 2010-04-25.
«Old Catholic». Oxford Dictionary of English. Red. Stevenson, Angus. Oxford University Press, 2010.
«Old Catholics». World Encyclopedia, Philip's.
