Skjerjevatnet
| Skjerjevatnet | |
innsjø | |
| Land |  Noreg |
|---|---|
| Fylke | Sogn og Fjordane |
| Kommune | Gulen |
| Utløp | Storelva |
| Nedslagsfelt | 1,76 km² |
| Høgd over havet | 701 moh |
| Areal | 0,46 km² |
| Koordinatar | Koordinatar: |
Skjerjevatnet et eit vatn i Gulen kommune i Sogn og Fjordane. Det ligg nord for Kvanngrødvarden og like vest for kommunegrensa til Høyanger. Høgda over havet er 701 meter og vatnet har eit areal på 0,46 km².[1]
Vatnets naturlege utløp er mot nord til Storelva, men vassføringa frå vatnet har sidan 1960-talet vore overført til Årnesvatna og vidare til Matresvassdraget for å bli nytta til kraftproduksjon i Matre kraftverk. Skjerjevatnet er ikkje regulert, ut over overføringa. Vatnet som blir overført tilsvarar ei middelvassføring på 0,26 m³/s, noko som utgjer 5% av Storelvas vassføring ved munningen i Indre Oppedal.[1]
I likskap med andre vassdrag i området vart Indre Oppedalselva negativt påverka av sur nedbør, særleg i dei høgareliggande delane av nedbørfeltet, der det på 1980-talet vart registrert reduserte fiskebestandar.[2] Undersøkingar i seinare år har likevel vist ei betring og tildels normalisering av tilhøva.[3]
Kjelder |
↑ 1,01,1 NVE Atlas, Norges vassdrags- og energidirektorat
↑ Annie Elisabeth Bjørklund: Naturressurskartlegging i Gulen kommune, Sogn og Fjordane: Miljøkvalitet i vassdrag, Rådgivende Biologer AS, Rapport nr. 155, mars 1995, ISBN 82-7658-050-5
↑ Trygve Hesthagen Gunnel Østborg: Endringer i areal med forsuringsskadde fiskebestander i norske innsjøer fra rundt 1990 til 2006, s.93, NINA Rapport 169, Trondheim, desember 2008, ISBN 82-426-1724-4
