Fdzfgy

Koordinatar: 60°34′2″N 6°55′2″E

Ulvik kyrkje
kyrkje
Land	Noreg
Fylke	Hordaland
Kommune	Ulvik
Kyrkjesamfunn	Den norske kyrkja
Bispedøme	Bjørgvin
Prosti	Hardanger og Voss
Sokn	Ulvik
Fellesråd	Ulvik
Type	Krosskyrkje
Arkitekt	Hans Ditlev Franciscus von Linstow
Material	Tre
Innvigd	1859
Kyrkjegard	Ved kyrkja
Døypefont	I kleberstein, frå mellomalderen
Altartavle	Måla av Anders Askevold i 1878
Wikimedia Commons: Ulvik kyrkje

Altartavla i kyrkja, måla av Anders Askevold.

Ulvik kyrkje er ei krosskyrkje frå 1859 i Ulvik herad i Hordaland fylke.
Kyrkja ligg på Brakanes i tettstaden Ulvik.

Byggverket er i tre og har 500 plassar.
Ho er ei av mange kyrkjer i Noreg som på 1800-talet vart ført opp etter mønsterteikningane til Hans Ditlev Franciscus Linstow.
Kyrkja vart dekorert innvendig i 1923 med måleri av kunstnaren Lars Osa frå Ulvik.
Han har òg dekorert Granvin kyrkje.

Kyrkja var det einaste som stod att på Brakanes etter at tyske krigsfartøy hadde løyst eld mot staden 25. april 1940, resten av sentrum vart lagd i ruinar.

Eldre kyrkjer i Ulvik |

Dette er den tredje kyrkja i Ulvik. Fyrste gongen ei kyrkje er nemnd i kjeldene er i 1309, då stod det ei stavkyrkje på garden Nedre Hakastad, om lag ein halv km lenger nordaust for der Ulvik-kyrkja ligg no.
Stavkyrkja vart riven i 1710, og ei ny trekyrkje vart bygd.
Denne stod til dagens kyrkje var ferdig i 1859, då vart ho riven.

Kjelder |

• Anne Marta Hoff: Ulvik kyrkje i «Norges kirker»


• 
  Alf Henry Rasmussen, red. (1993). «Ulvik kyrkje». Våre kirker. Norsk kirkeleksikon. Kirkenær: Vanebo forlag. s. 364. ISBN 82-7527-022-7. 
  


• 
  Ulvik kyrkje på Kyrkjesøk

Bakgrunnsstoff |

• Om Ulvik sokn på nettstaden til Den norske kyrkja


• Eldre fotografi av Ulvik kyrkje på nettstaden Galleri NOR (Nasjonalbiblioteket)


• Skanna kyrkjebøker frå Hordaland på nettstaden til Arkivverket


• Oversyn over gravminne i Ulvik herad på nettstaden disnorge.no