Fdzfgy

Thaksin Shinawatra

Thaksin Shinawatra (fødd 26. juli 1949), thai ทักษิณ ชินวัตร, er ein thailandsk politikar, leiaren av populistpartiet Thai Rak Thai og fram til september 2006 statsministeren i landet. Som sjef for firmaet Shin Corporation, som kontrollerer m.a. den største mobiltelefonoperatøren i landet, Advanced Info Service, er han òg Thailands rikaste person.

Thaksin er ein tidlegare overløytnant i det thailandske politiet, med ein master in criminal justice frå Eastern Kentucky University, USA og ein Ph.D. frå Sam Houston State University, USA.

Partileiar i det politiske partiet Palang Dharma frå 1996, og leiar for Thai Rak Thais frå 1998. Fekk sin første regjeringspost i 1994, då han tente som utanriksminister. Han vart statsminister 9. februar 2001.

Omstridd |

Thaksin Shinawatra er ein omstridd toppolitikar i Thailand, men har lenge hatt stor stønad i delar av folkesetnaden.

I byrjinga av 2006 vart Thaksin utsett for massiv kritikk etter at han selde eit telekom-selskap og tente eit milliardbeløp utan å skatte for inntektene. Kritikken førte til ei politisk krise for Thaksin, som vart tvungen til å lyse ut nyval i landet for å prøve å skaffe mandat til å halde fram som statsminister. Han vann valet som vart boikotta av opposisjonen.

Den 19. september 2006, medan Thaksin var i eit SN-toppmøte i New York, blei han avsett i eit militærkupp.

Bakgrunnsstoff |

• Biografi på den thailandske regjeringa sine heimesider


• Biografi på den thailandske ambassaden i USA