Lyngenfjorden




Koordinatar: 69°52′1.4016″N 20°26′14.341″E




Olderdalen ved Lyngen


Lyngenfjorden eller Lyngen (samisk Ivgovuotna) er ein fjord Troms langs kommunegrensa mellom Lyngen i vest og Skjervøy, Nordreisa, Kåfjord og Storfjord i aust. Fjorden er den lengste i Troms og strekkjer seg 85 km sørover langs austsida av Lyngsalpane til Hatteng i botn av Storfjorden.


Fjorden har innløp mellom Sotneset på Arnøy i nord og Nordklubben i sør. Vest for Nordklubben går Ullsfjorden sørover. På austsida av den ytre delen av Lyngen ligg øyane Vorterøya og Utøya, og i denne ytre delen er det få busetnader ved fjorden. Frå Spåknes og inn heile fjorden går E6 langs austsida og her er det langt fleire busetnader. Det same gjeld på vestsida sørover frå Årøya, som ligg midt i fjorden. Ved Spåknes ligg bygda Djupvik og litt lenger sør bygda Nordmannvik. Ved bygda Olderdalen går fjordarmen Kåfjorden søraustover til Birtavarre.


Ved Årøya ligg bygda Koppangen på vestsida av fjorden. Litt lenger sør ligg Rottenvika, Lyngseidet og Karnes. Ved Lyngseidet er det berre om lag 3 km over til botn av Kjosen på vestsida av Ullsfjorden. Frå Lyngseidet går det ferje over til Olderdalen på austsida som ein del av Riksveg 91. Litt sør for Lyngseidet går Pollneset ut i fjorden frå vest. Polleidet ligg mellom to viker og to bygder på kvar side av neset, Kvalvik i nord og Lyngspollen i sør. Litt sør igjen for Lyngspollen ligg bygda Furuflaten.


Skibotn er ein tettstad i Skibotnbukta på austsida av Lyngen. Frå her og inn til botn av fjorden vert han kalla Storfjorden. Storfjorden strekkjer seg 17 km inn til Hatteng. Frå botn av fjorden er det berre om lag 20 km langs Balsfjordeidet til Nordkjosbotn inst i Balsfjorden.





Autoritetsdata


  • GeoNames

  • SSR (namn)



-

Popular posts from this blog

Olav Thon

Image
Olav Thon Fødd 29. juni 1923 Ål Yrke forretningsdrivande Olav Thon på Commons Olav Thon (fødd 29. juni 1923) er ein norsk, stort sett sjølvlært forretningsmann, fødd i Ål i Hallingdal, som har gjort store pengar på særleg kjøp, bygging og utvikling av fast eigedom, mellom anna kjøpesentre, hotell og restaurantar, i både Noreg og somme andre land. Han vart Ridder av 1. klasse av St. Olavs Orden i 2003, og er som ivrig friluftsmann æresmedlem i Den Norske Turistforening etter å ha ytt store økonomiske bidrag til foreininga sine hytter og ruter i fjellet. Han er kjend for alltid å gå med ei karakteristisk strikkelue. Olav Thon i samtale med Trond Helleland på sentralbanksjefens årstale i februar 2016 I ung alder reiste Olav Thon til Newcastle for å lære seg engelsk, og han var seinare ei tid i Sveits, der han gjorde forretningar i import og eksport. Deretter tok han til å kjøpe faste eigedomar i Noreg med stor økonomisk suksess, verksemda voks snøgt og v
Read more

Waikiki

Image
Denne artikkelen kan ha godt av ein språkvask , som reinskar opp målføringa og/eller innfører same språkstilen overalt. Denne artikkelen kan ha godt av ei opprydding for å nå ein høgare standard og/eller for å verta i tråd med standardoppsettet. Sjå korleis du redigerer ei side og stilmanualen for hjelp. Waikiki Land   USA Stat Hawaii Stad Honolulu Wikimedia Commons: Waikiki Utsyn over Waikiki Waikīkī er ein bydel i Honolulu, sør på øya Oahu, som er ei av Hawaii-øyane. Waikīkīstranda er ein av dei meste berømte strendene i verda. Waikīkī strekkjer seg langs stillehavskysten og har ei rekkje velrenommerte hotell. Bydelen er Hawaii-turismens høyborg. På Waikīkī Beach står ei statue av den lokale sportsstjerna Duka Kahanamoku. Kjelder | Denne artikkelen bygger på «Waikiki» frå Wikipedia på bokmål, den 4. november 2018. Denne artikkelen manglar kjelder eller referansar . Hjelp Wikipedia med å finna truverdige kjelder
Read more

Hudsonelva

Image
Hudson elv Land   USA Område New York Sideelvar Mohawk Lengd 507 km Middelvassføring 606 m³/s Munning Upper New York Bay i Atlanterhavet Elvene Hudson og Mohawk med nedbørsområdet markert med gult. Wikimedia Commons: Hudson River Hudsonelva ( Hudson River ) mohikansk Muh-he-kun-ne-tuk ) er ei elv i USA. Ho renn hovudsakleg gjennom delstaten New York, men markerer også ein del av grensa mellom New York og New Jersey. Hudsonelva har namn etter Henry Hudson, ein engelskmann som utforska elva i 1609. Hudsonelva sett frå Bear Mountain Bridge. Kjelda til elva er Tear-of-the-Clouds-sjøen i Adirondackfjella. Ved Albany renn Mohawk-elva saman med henne, og deretter renn ho nesten rett sørover til ho munnar ut i Atlanterhavet mellom Manhattan i New York og New Jersey. Eriekanalen, som blei opna den 26 oktober 1825, bind saman Hudsonelva og Eriesjøen, slik at byane ved Dei store sjøane fekk vasstilgang til A
Read more