Fdzfgy

Respublika Inusjetija
Ghalghaj Mokhk
 

Ingusjetia sitt flagg Ingusjetia sitt våpen
Hovudstad	Magas
Areal - Totalt - % vatn	Rangering:81. 4000 km²
Innbyggjartal - totalt - folketettleik	Rangering: 73. ca. 413 000[1] (2010) ca. 103,3/km²
Føderalt distrikt	Sørlege
Økonomisk region	Nord-Kaukasus
Regionsnummer	06
Offisielt språk	Russisk, ingusjisk
President	Junus-Bek Bamatgirejevitsj Jevkurov
Nasjonalsong
Tidssone	UTC +0300

Ingusjetia (russisk Республика Ингушетия, ingusjisk ГIалгIай Мохк) er ein republikk i Russland og eit av føderasjonssubjekta i den russiske føderasjonen. Hovudstaden er Magas, arealet er 4000 km² og innbyggjartalet 413 000 ⁽²⁰⁰⁸⁾. Ingusjetia er det minste føderasjonssubjektet i Russland, med unntak av byane Moskva og St. Petersburg. Republikken vart danna i 1991, då den tidlegare Tsjetsjeno-ingusjetiske republikken vart delt opp i Tsjetsjenia og Ingusjetia. I motsetning til Tsjetsjenia gjekk Ingusjetia friviljug med i den nye russiske føderasjonen. Republikken vart dermed spart for full krig, som i naborepublikken. Mange flyktningar frå krigen i Tsjetsjenia har kome til Ingusjetia.

Utover 2000-talet spreidde den politiske uroa i Nord-Kaukasus seg meir og meir frå Tsjetsjenia til dei andre republikkane i området. Ifølgje rapportar i media vart det i 2010 gjennomført 40 terrorhandlingar i Ingusjetia, og desse førte til åtte dødsfall og 78 skadde personar. To av desse terrorhandlingane vart utført av sjølvmordsbombarar.^[2] Desse tala omfattar ikkje dødsfall som følgje av handlingar frå regjeringsstyrkane si side. I 2008 kom det òg til opptøyar i den største byen Nazran, då tryggingsstyrkane slo ned opptøyar frå opposisjonen si side.^[3]

Folkesetnad |

Den einaste større byen er Nazran (132 200 ibuarar), som var hovudstaden fram til 2000.

Den største folkegruppa i Ingusjetia er ingusjar. Ifølgje folketeljingane endra den etniske samansetjinga i republikken seg kraftig frå folketeljinga i 2002 til den i 2010 - I 2002 vart det oppgitt at 77,3 var ingusjar og 20,4 tsjetsjenarar. I 2010 var det under ein fjerdedel så stor del tsjetsjenarar, mens delen ingusjarar hadde auka til over 90 %. Ved folketeljinga i 2010 var den etniske samansetjinga:^[1]

• 
  Ingusjar: 93,5 %


• 
  Tsjetsjenarar: 4,5 %


• 
  Russarar: 0,8 %

Fotnotar |

1. 
   ↑ ^1,01,1 "Vserossijskaja perepis naselenija 2010" - Folketeljinga i Russland 2010
   


2. 
   ↑ "At least 178 persons perished in explosions and terror acts committed in Northern Caucasus and Moscow", frå "Caucasian Knot" på engelsk, 10. januar 2011, lese 18. januar 2011
   


3. 
   ↑ "Ingushetia Crisis Deepens" frå "Institute for War & Peace Reporting på engelsk, 13. februar 2008, lese 18. januar 2011
   

Bakgrunnsstoff |

• 
  Republikken sine offisielle heimesider (ru)
  


• 
  Ingushetiya.ru, uavhengig internettportal (en)
  


• 
  Artikkel frå NUPI (en)
  

v • d • e Russiske republikkar
Adygia · Altaj · Basjkortostan · Burjatia  · Dagestan · Ingusjetia · Kabardino-Balkaria · Kalmykia · Karatsjajevo-Tsjerkessia · Karelen · Khakasia · Komi · Mari El · Mordovia · Nord-Ossetia · Sakha · Tatarstan · Tsjetsjenia · Tsjuvasjia · Tyva · Udmurtia