Alkefamilien
Alkefamilien | ||
| ||
Systematikk | ||
Rike: | Animalia | |
Rekkje: | Chordata | |
Klasse: | Aves | |
Orden: | Charadriiformes | |
Familie: | Alcidae | |
Artar i Noreg | ||
Alle alle (Alkekonge)
| ||
Vitskapleg namn | ||
| Alcidae Leach, 1820 | ||
Alkefamilien (Alcidae), alkefuglar, er ein familie i ordenen vade-, måse- og alkefuglar, Charadriiformes. Familien har 23 artar fordelt på 10 slekter, alle med leveområde i relativt nordlege, kalde område. Seks artar lever i Nord-Atlanteren, alle desse hekkar mellom anna i Noreg. 19 til 20 artar er utbreidd i Stillehavet. Alkefuglane liknar pingvinar i fargemønsteret, i den oppreiste kroppsstillinga, og i litt av levemåten. Likevel er desse to gruppene ikkje nært i slekt, men snarare eit eksempel på moderat konvergerande evolusjon.
I motsetnad til pingvinar, er alkefuglane i stand til å flyge. Unntaket var geirfuglen. Dei er gode symjarar og dukkarar, men dei opptrer keiveleg til fots. Vengene er korte med lite bereevne, så alkefuglane må nytte høg frekvens på vengeslaga for å flyge. Nolevande alkefuglar varierer i storleik frå den minste, flekkdvergalke, på 85 gram og 15 cm, til polarlomvi, som kan nå eit kilogram og 45 cm i kroppslengd.
Alkefuglane lever på opent hav og går i land berre for hekking, sjølv om enkelte artar, som lomvien bruker ein stor del av året til å forsvare reirplassen sin mot andre fuglar.
Somme artar, for eksempel slekta Uria, lomviar, hekkar i store koloniar i fuglefjell. Andre, som slekta Cepphus, teistar, hekkar i mindre grupper i steinurer, og lunde, alker og nokre starikar (slekta Synthliboramphus) hekkar i tronge jord og fjellhòler. Dvergteistar, Brachyramphus dannar ikkje hekkekoloniar.
Artsliste |
Papegøyealke, Aethia psittacula
Alkekonge, Alle alle
Polarlomvi, Uria lomvia
Alkefuglar i rekkjefølgje etter Clementslista versjon 6.8 frå august 2013[1] med norske namn etter Norske navn på verdens fugler.[2] For kladogram, sjå Alkefamilien/Kladogram.
Slekt Alle
Alkekonge, Alle alle, Dovekie, LC, Linné, 1758
Slekt Uria
Lomvi, Uria aalge, Common Murre, LC, Pontoppidan, 1763
Polarlomvi, Uria lomvia, Thick-billed Murre, LC, Linné, 1758
Slekt Alca
Alke, Alca torda, Razorbill, LC, Linné, 1758
Slekt Cepphus
Teist, Cepphus grylle, Black Guillemot, LC, Linné, 1758
Beringteist, Cepphus columba, Pigeon Guillemot, LC, Pallas, 1811
Brilleteist, Cepphus carbo, Spectacled Guillemot, LC, Pallas, 1811
Slekt Brachyramphus
Langnebbdvergteist, Brachyramphus perdix, Long-billed Murrelet, NT, Pallas, 1811
Marmordvergteist, Brachyramphus marmoratus, Marbled Murrelet, EN, Gmelin, 1789
Kortnebbdvergteist, Brachyramphus brevirostris, Kittlitz's Murrelet, NT, Vigors, 1829
Slekt Synthliboramphus
- manglar norsk namn, Synthliboramphus scrippsi, Scripps's Murrelet, VU, Green and Arnold, 1939
Kaliforniastarik, Synthliboramphus hypoleucus, Guadalupe Murrelet, EN, Xántus de Vesey, 1860
Mexicostarik, Synthliboramphus craveri, Craveri's Murrelet, VU, Salvadori, 1865
Nordstarik, Synthliboramphus antiquus, Ancient Murrelet, LC, Gmelin, 1789
Japanstarik, Synthliboramphus wumizusume, Japanese Murrelet, VU, Temminck, 1835
Slekt Ptychoramphus
Sotalke, Ptychoramphus aleuticus, Cassin's Auklet, LC, Pallas, 1811
Slekt Aethia
Papegøyealke, Aethia psittacula, Parakeet Auklet, LC, Pallas, 1769
Flekkdvergalke, Aethia pusilla, Least Auklet, LC, Pallas, 1811
Praktdvergalke, Aethia pygmaea, Whiskered Auklet, LC, Gmelin, 1789
Toppdvergalke, Aethia cristatella, Crested Auklet, LC, Pallas, 1769
Slekt Cerorhinca
Nashornlunde, Cerorhinca monocerata, Rhinoceros Auklet, LC, Pallas, 1811
Slekt Fratercula
Lunde, Fratercula arctica, Atlantic Puffin, LC, Linné, 1758
Hornlunde, Fratercula corniculata, Horned Puffin, LC, Naumann, 1821
Topplunde, Fratercula cirrhata, Tufted Puffin, LC, Pallas, 1769
Kjelder |
- Denne artikkelen er basert på ei omsetjing av artikkelen Auk frå Engelsk Wikipedia .
- Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
Bakgrunnsstoff |
Wikimedia Commons har multimedia som gjeld: Alkefamilien
↑ Clements, J.F.; T.S. Schulenberg; M.J. Iliff; B.L. Sullivan; C.L. Wood; D. Roberson (august 2013), The eBird/Clements checklist of birds of the world: Version 6.8 (CSV), Cornell Lab of Ornithology, henta 10. august 2014
↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
