Fdzfgy

Kvensk (kvääni)
Klassifisering:	Uralsk  austersjøfinske språk
Talarar:	kvener
Bruk
Tala i:	Noreg
Kvensktalande i alt:	5 000 - 8 000[1]
Rangering:	106
Skriftsystem:	Latinsk
Språkkodar
ISO 639-3:	fkv

Kvensk (på kvensk kvääni^[2], tidlegare kainun kieli eller kveenin kieli) er eit finsk-ugrisk språk som òg kan klassifiserast som ein dialekt av finsk. Kvensk er språket til kvenene — ei folkegruppe som er etterkommarar av finnar som innvandra til Troms og Finnmark frå 1600-talet av frå grensedalen mellom Sverige og Finland, Tornedalen, og frå Nord-Finland. Kvensk språk har ein viss status som språk i Porsanger kommune.^[3]

I kvenske/finskætta miljø er det mykje diskusjon om ein ynskjer eit eige kvensk skriftspråk eller å halde på det riksfinske som blir lært i skulane i dag.

På eit møte i 2008 vart det vedtatt at skriftspråksnormalen som er under utarbeiding, skal basere seg på eit kompromiss mellom alle dei kvenske dialektene, og samstundes vere ei tilnærming mot meänkieli.^[4]

I januar 2006 vart det starta eit studium i kvensk ved universitetet i Tromsø. Studiet går over tre semester, og ein kan studere enkeltemne som kvensk språk og kvensk kultur og litteratur.

Historie |

På 1800-talet vart kvenene av norske myndigheiter sett på som viktige i arbeidet med å dyrke opp Finnmark. Frå og med starten av 1900-talet slo Noreg over til ein politikk som gjekk ut på å hindre bruken av kvensk og samisk. Jordsalsloven, Lov av 22. mai 1902 om avhendelse av og bortforpaktning av Statens jord i Finnmark, § 1c sa at «Avhendelse må kun skje til norske statsborgere – som kan tale, læse og skrive det norske sprog og benytte dette til daglig bruk». NRK vart oppretta i 1933. Allereie året etter vart den første NRK-bygde radiosendaren utanfor Oslo opna — og det i Vadsø. Etter oppfordring frå Forsvaret delte NRK ut 50 radioapparat gratis til samar og kvenar i grensestroka mot Finland, så det er ikkje tvil om kva motiva bak denne radiosatsinga var.^{[treng kjelde]}

I starten av 1990-åra vart det mogleg å ha finsk/kvensk som andrespråk i skolen i dei tre nordlegaste fylka.

Den norske regjeringa erklærte 26. april 2005 at dei såg på kvensk som eit eige språk.

Kjelder |

1. 
   ↑ ethnologue.com
   


2. 
   ↑ http://www.kvenskinstitutt.no/nyyheetterit/det-kvenske-navnet-p%C3%A5-spr%C3%A5ket-er-kv%C3%A4%C3%A4ni
   


3. 
   ↑ «Trekulturelle og trespråklige Porsanger». Porsanger kommune. 04.10.2016. 
   


4. 
   ↑ http://www.kvenskinstitutt.no/beta/sites/default/files/Referat%20fellesm%C3%B8te%20spr%C3%A5kting%20og%20spr%C3%A5kr%C3%A5d%20Word.doc
   

Bakgrunnsstoff |

Wikimedia Incubator - Wikipedia på kvensk

• E-læringsprogram for kvensk


• E-ordbok for kvensk


• Norske Kveners Forbund - Ruijan kveeniliitto si heimeside


• Kvensk bibliografi


• Kvensk institutt

Denne språkartikkelen er ei spire. Du kan hjelpe Nynorsk Wikipedia gjennom å utvide han.