Knarvik
| Knarvik | |
tettstad | |
 Knarvik sett frå Høstefjellet i Bergen kommune | |
| Land |  Noreg |
|---|---|
Fylke | Hordaland |
Kommune | Lindås |
| Areal | 3,38 km² |
| Folketal | 5 721 (2017) |
| Folketettleik | 1 693 / km² |
Postnummer | 5914 ISDALSTØ |
Knarvik er ein tettstad og kommunesenter i Lindås kommune, og fungerer som regionsenter for Nordhordland. Tettstaden har 5 721 innbyggjarar per 1. januar 2017. Postadressa til Knarvik er Isdalstø, som ligg kring 2 kilometer frå Knarvik.
Før 1970-talet var her ikkje meir enn kring 30 innbyggjarar, men då Hordaland fylkeskommune avgjorde at Knarvik skulle byggjast opp som regionsenter, skaut utviklinga fart. Knarvik Senter vart i løpet av få år eitt av dei største kjøpesentera i landet. Kommuneadministrasjonen vart flytta til Knarvik frå Lindås, som ligg nord i kommunen.
Bustadutbygging, skuleutbygging og auka næringsverksemd førte til at Knarvik vart den største tettstaden i Nordhordland i løpet av 1980-talet. Fram til opninga av Nordhordlandsbrua i 1994 var ferjesambandet som batt saman Nordhordland med Bergen, Knarvik-Steinestø, det mest trafikkerte i landet målt i tal på bilar.
I september kvart år vert mosjonsløpet Knarvikmila skipa til.
Denne Hordalandartikkelen som har med geografi å gjere er ei spire. Du kan hjelpe Nynorsk Wikipedia gjennom å utvide han.
|
