Landshut
Landshut | |
|---|---|
 | |
Byvåpen | Plassering |
 |   |
| Styresmakter | |
| Land Delstat Regierungsbezirk Landkreis |  Tyskland Bayern Niederbayern Kreisfri by |
| Grunnlagd | 1204 |
| Geografi | |
| Flatevidd - By | 65,7 km² |
| Innbyggjarar - By (2007) - folketettleik | 62 015 944/km² |
| Koordinatar | Koordinatar: |
| Høgd over havet | 445 m |
| Tidssone - Ved sommartid | CET (UTC+1) CEST (UTC+2) |
| Diverse annan informasjon | |
| Postnummer | 84001-84036 |
| Telefon-retningsnummer | 0871 |
| Bilnummer | LA |
Heimeside: www.landshut.de | |
Landshut er ein by i Tyskland i delstaten Bayern med om lag 60 000 innbyggjarar. Byen ligg ved elva Isar i regionen Niederbayern, der han er hovudstad. Landshut ligg om lag 70 km nordaust for München
I tillegg er byen administrativt sete for landkreisen Landshut. Landshut er den største byen i Niderbayern etterfølgd av Straubing og Passau, i tillegg til den største byen i Aust-Bayern etter Regensburg.
På grunn av det karakteristiske byvåpenet vert byen stundom kalla «Trehjelmsbyen» (Dreihelmenstadt).
Historie |
Byen Landshut og slottet Trausnitz vart grunnlagd i 1204 av Ludvig I Wittelsbach av Bayern. Alt i 1231 vart byen residens for Wittelsbach og i 1255 då hertugdømet Bayern vart delt i to, vart Landshut hovudstad i Niederbayern. Hertug Henry XVI var den første av tre kjende, rike hertugar som styrte Bayern-Landshut på 1400-talet. Hertug Georg av Bayern gifta seg med den polske prinsessa Jadwiga Jagiellon i 1475 i Landshut og haldt ein av dei flottaste festivalane i mellomalderen (kalla Landshuter hochzeit). Etter Georg døydde oppstod det ein kort krig før byen vart ein del av Bayern-München. Ludvig X av Bayern bygde Landshut Residens i 1537-1543 etter han hadde vitja Italia. Ludvig bygde det første renessansepalasset nord for Alpane etter Palazzo Te i Mantova. Vilhelm V av Bayern oppgraderte Burg Trausnitz frå ein gotisk festning til eit renessansebyggverk der han budde då han var kronprins i ti år fram til 1579. Etter dette var Landshut mykje mindre viktig fram til Ingolstadt Universitet vart flytta til Landshut i 1800. Alt i 1826 vart derimot universitetet flytta til München.
Under den andre verdskrigen låg det ein underavdeling av Dachau konsentrasjonsleir i byen, som gav slavearbeidarar til den lokale industrien.[1] Sidan München internasjonale flyplass opna nær Landshut i 1992 har byen vore attraktiv for forretningsselskap.
Bakgrunnsstoff |
Wikimedia Commons har multimedia som gjeld: Landshut
Kjelder |
↑ http://glosk.com/GM/Linde/17283/pages/List_of_subcamps_of_Dachau/84737_en.htm
- Denne artikkelen er basert på ei omsetjing av artikkelen Landshut frå Engelsk Wikipedia .
|
