Fdzfgy

Byneset med utsyn sørover mot Gaulosen og Øysand

Flakk fergeleie

Byneset kyrkje

Byneset er ein tidlegare kommune i Sør-Trøndelag.

Byneset er den vestlegaste delen av Trondheim kommune og ligg på ei halvøy i Trondheimsfjorden. Byneset er stort sett eit landbruksområde.

Historie |

Byneset blei oppretta som kommune ved formannskapslovene i 1837. I 1855 blei Buvik kommune skilt ut frå Byneset. Ved delinga hadde Byneset 2109 innbyggjarar. 1. januar 1964 blei Byneset kommune slått saman med Leinstrand, Strinda, Tiller og Trondheim kommune til nye Trondheim kommune. Ved samanslåinga hadde Byneset 2049 innbyggjarar.

I mange år blei det drive med torvuttak på myrane på Byneset, særleg på Stormyra ved Spongdal. På Stormyra finn ein i dag eit av Byneset Idrettslag sine fotballanlegg.

Byneset Historielag blei stifta 17. november 1994.

Befolkning |

På Byneset bur det no om lag 2500 innbyggjarar. Her er to tettstadar der, som står for omtrent halvparten av folketalet. Resten av folket bur spreidd utover heile Byneset.
Tettstadane:

• Rye


• Spongdal

Den største tettstaden er Spongdal. Spongdal er relativt tett busett, og har mellom anna daglegvarebutikk og andre servicetilbod, og forsamlingshuset Folkvang.

På Spongdal og Rye finn ein også dei to einaste skulane på Byneset, Rye skole og Spongdal skole. Spongdal skole er den einaste med ungdomstrinn, og elevane frå Rye tek til der når dei startar på 8. klassesteget. I tillegg tek Spongdal skole imot 8.-klassingar frå Nypvang skole

Byneset kyrkje |

Byneset kyrkje også kjend som Mikalskyrkja på Stein, er ei steinkyrkje frå 1100-talet, ei av dei eldste i Trøndelag. Det ligg ein kyrkjegard ved kyrkja.

Næringsliv |

På Byneset ligg det største golfanlegget i området, Byneset Golf. Anlegget blei etablert i 2000, då med 9 hol på bane sør. I dag har bana ei enkel 9-holsbane, og ei meir krevjande 18-holsbane. Golfanlegget er designa av golfarkitekten Donald Steel

Kjende bynesingar |

• 
  Johan Nicolaisen, skulemann


• 
  Øystein Baadsvik, verdskjend solotubaist.


• 
  Randi Stene, mezzosopran


• 
  Stian Arnesen, radioreportar


• 
  Jacob Margido Esp, skodespelar

Bakgrunnsstoff |

• Byneset historielag


• Byneset Ungdomslag


• Byneset idrettslag

Kjelder |