Fdzfgy

Kjempeslekta
Systematikk
Rike:	Planteriket Plantae
Infrarike:	Streptophyta
Overrekkje:	Landplantar Embryophyta
Rekkje:	Karplantar Tracheophyta
Underrekkje:	Frøplantar Spermatophytina
Orden:	Leppeblomordenen Lamiales
Familie:	Maskeblomfamilien Plantaginaceae
Slekt:	Kjempeslekta Plantago L., 1753

Kjempeslekta (Plantago) er ei slekt i maskeblomfamilien.
Slekta omfattar 265 artar.

Medlemane har tette grågrøne aks med små tokjønna blomstrar. Dei har røyrforma krone med fire kvite eller lysbrune utbrette flikar.

Dei veks for det meste som urter med blada i rosett, og sjeldnare som buskar. Kjemper har små, lite prangande blomar som sit i tette aks eller hovud.^[1]

Bruk |

Stenglane av kjempe er blitt brukt til ein lek der ein kjemper om å slå akset av stengelen til den andre deltakaren. Leiken har gjeve opphav til plantenamnet.^[1]

Groblad er blitt brukt i folkemedisin som omslag på sår. Planten er også blitt brukt mot bronkitt, luftvegskatarr og blærelidingar.^[2]

Artar |

Kjempeartar i Noreg |

4 artar i kjempeslekta er opphavleg viltveksande i Noreg: groblad, dunkjempe, smalkjempe og strandkjempe. Nokre få andre artar er innført med ballast eller som ugras, og er funne tilfeldig nokre få stader.^[1]

• 
  Groblad (P. major)


• 
  Dunkjempe (P. media)


• 
  Smalkjempe (P. lanceolata)


• 
  Strandkjempe (P. maritima)


• 
  Flikkjempe (P. coronopus) - innført art


• 
  Greinkjempe (P. arenaria) - innført art

Kjelder |