Sámiid ædnan
«Sámiid ædnan» Singel av Sverre Kjelsberg og Mattis Hætta | ||
Land | Noreg | |
Språk | Norsk og nordsamisk | |
Utgjeve | 1980 | |
Låtskrivar(ar) | Ragnar Olsen | |
|---|---|---|
 «Sámiid ædnan» | |||||
|---|---|---|---|---|---|
Eurovision Song Contest 1980 | |||||
| Land | Noreg | ||||
| Artist(ar) | Sverre Kjelsberg og Mattis Hætta | ||||
| Språk | Norsk og nordsamisk | ||||
| Komponist(ar) | Sverre Kjelsberg | ||||
| Låtskrivar(ar) | Ragnar Olsen | ||||
| Resultat | |||||
| Finalepoeng | 15 | ||||
| Finaleplass | 16 | ||||
Noreg i Eurovision Song Contest | |||||
| |||||
«Sámiid ædnan» (nordsamisk for Samisk jord) var det norske bidraget i Eurovision Song Contest 1980, framførd av Sverre Kjelsberg og Mattis Hætta. Teksten er skriven på norsk, medan tittelen og teksten i songen som er lik tittelen er på nordsamisk. I tillegg inneheld songen ein joik, ein samisk form for song utan ord.
Songen er inspirert av den samiske sjølvstyrerørsla i Nord-Noreg, og duoen song om krava til sjølvstyre. Songteksta nemner òg den tradisjonelle joiken, skildra som «sterkare enn krut». Tekststykket «framførr tinget der dem satt, hørtes joiken dag og natt» refererer til ein sveltestreik som skjedde framfor Stortinget i samband med Altasaka.
Innhaldsliste
1 Melodi Grand Prix 1980
2 Eurovision Song Contest 1980
3 Anna
4 Kjelder
Melodi Grand Prix 1980 |
Songen vann Melodi Grand Prix 1980 med 61 poeng og fekk representere Noreg i Eurovision Song Contest 1980.
Eurovision Song Contest 1980 |
Songen starta som nummer 11 i finalen, etter Finland med «Huilumies» av Vesa-Matti Loiri og før Vest-Tyskland med «Theater» av Katja Ebstein. Bidraget fekk seks poeng frå Vest-Tyskland, fire poeng frå Marokko, tre poeng frå Frankrike og to poeng frå Nederland. Noreg fekk til saman 15 poeng og enda på 16. plass av totalt 19 bidrag. Det er det fyrste bidraget i Eurovision Song Contest med tekst på nordsamisk.
Anna |
I 2011 vart eit utdrag frå songen sunge av karakterane i traileren for filmen The Thing.
Kjelder |
- Denne artikkelen bygger på «Sámiid Ædnan» frå Wikipedia på engelsk, den 27. februar 2012.
- Denne artikkelen bygger på «Sámiid ædnan (sång)» frå Wikipedia på svensk, den 27. februar 2012.
