Röyksopp
Röyksopp | |
 | |
| Opphav | Noreg |
| Sjanger | Elektronika Downtempo Trip hop |
| Aktive år | 1998- |
| Plateselskap | Astralwerks |
| Nettside | http://royksopp.com |
Medlemmer | |
|---|---|
Torbjørn Brundtland Svein Berge | |
- For soppen, sjå røyksopp.
Röyksopp er ein musikkgruppe som spelar elektronisk musikk. Röyksopp består av duoen Torbjørn Brundtland og Svein Berge som begge kjem frå Tromsø. Gruppa vart offisielt danna i 1998. Året etter debuterte dei med singelen So Easy.
Innhaldsliste
1 Biografi
1.1 Prisar
2 Plateutgjevingar
2.1 Studioalbum
2.2 Livealbum
2.3 Andre album
2.4 Singlar
3 Referansar
4 Bakgrunnsstoff
Biografi |
Sjølv om Brundtland og Berge var kameratar i heimbyen Tromsø og eksperimenterte med elektroniske instrumenter tidleg på 1990-talet, oppstod ikkje Röyksopp før dei fleire år seinare møttest i Bergen. Gruppa vart offisielt danna i 1998, og debuterte med singelen So Easy på Mikal Telle sitt selskap Telle Records i 1999. Röyksopp fekk snart internasjonal merksemd og fekk kontrakt med selskapet Wall of sound recordings, som har gjeve ut resten av musikken deira.
Röyksopp fekk stor merksemd og kommersiell suksess med sitt første album Melody A.M. i 2001. Mykje av æra til suksessen tek bandet sine grafiske musikkvideoar, som gjennomgåande var eksperimentelle og nyskapande for si tid. Videoen til «Remind Me», laga av det franske selskapet H5, vann MTV-prisen for beste musikkvideo under utdelinga i Barcelona i 2002. Her opptrådde dei òg live på scena framfor millionar av europeiske TV-sjåarar.
Oppfølgjaralbumet The Understanding vart lansert i juli 2005, med Only This Moment som første singel.
Prisar |
Röyksopp har vunne Spellemannprisen fem gonger. Under Spellemannprisen 2001 vann dei i klassen Elektronika for albumet Melody A.M. og vart også tildelte prisen Årets musikkvideo for videoen til låten Eple. Under Spellemannprisen 2002 vart dei kåra til Årets spellemann og vart dessuten tildelte prisen Årets musikkvideo for Remind Me. I 2005 vann dei i klassen Popgruppe for albumet The Understanding. Röyksopp har dessutan vunne Alarmprisen heile fire gonger, fleire enn nokon andre artistar. Under Alarmprisen 2002 fekk dei pris i både klassen Pop og klassen House/techno for Melody A.M. og i vart i tillegg tildelte prisen Årets låt for Eple. I 2006 vann dei i den nyetablerte klassen Klubb for albumet The Understanding.
Plateutgjevingar |
Studioalbum |
| Utgitt | Tittel | Listeplassering i Noreg (VG-lista) |
|---|---|---|
| 2001 | Melody A.M. | 61 veker på albumlista i 2001, 2002 og 2003 med 1. plass som beste plassering[1] |
12. juli, 2005 | The Understanding | 35 veker på albumlista i 2005 og 2006 med 1. plass som beste plassering[2] |
Livealbum |
| Utgjeve | Tittel | Listeplassering i Noreg |
|---|---|---|
| 2006 | Röyksopp's Night Out |
Andre album |
| Utgjeve | Tittel | Listeplassering i Noreg |
|---|---|---|
2. april, 2007 | Back To Mine | 2 veker på albumlista i 2007 med 24. plass som beste plassering[3] |
Singlar |
Frå Melodi A.M.:
- So Easy
- Poor Leno
- Remind Me/So Easy
- Eple
- Sparks
Frå The Understanding:
- Only This Moment
- 49 Percent
- What Else Is There?
- Beautiful Day Without You
Referansar |
↑ «Albuminfo "Melody A.M."». VG-listen. Parameteren|besøkstdato=er ikkje støtta av malen. (hjelp)
↑ «Albuminfo "The Understanding"». VG-listen. Parameteren|besøkstdato=er ikkje støtta av malen. (hjelp)
↑ «Albuminfo "Back To Mine"». VG-listen. Parameteren|besøkstdato=er ikkje støtta av malen. (hjelp)
Bakgrunnsstoff |
- Offisiell nettstad
- Fan-forum
Full liste over Röyksopps diskografi (på engelsk)
- Bilete av Röyksopp
|
