Fdzfgy

Sandnes kommune
kommune
kommunevåpen
Land	Noreg
Fylke	Rogaland
Adm.senter	Sandnes
Areal	304 km²
- land	286 km²
- vatn	18 km²
Folketal	76 328 (1. januar 2018)
Folketettleik	267 / km²
Målform	nøytral
Ordførar	Stanley Wirak (Ap)
Kommunenr.	1102
Wikimedia Commons: Sandnes
Nettstad: www.sandnes.kommune.no

Sandnes kommune er ein kommune på Nord-Jæren i Rogaland fylke.

Kommunen er med 000000000076328.000000000076 328 innbyggjarar den åttande største kommunen i Noreg. Sandnes er administrasjonssenteret i kommunen og er den sjuande største byen i Noreg. Kommunen har ei flatevidd på til saman 304 km².

Gjennom dei siste tjue åra har innbyggjartalet årleg auka med eit gjennomsnitt på 1,9 %. Sandnes er den byen i landet som veks mest. Truleg vil veksten halda fram på same vis dei komande åra.

Historie |

Sandnes om natta, sett frå Bogafjell (sør for byen). E39 på veg inn mot byen. Stavanger heilt i bakgrunnen

Sandnes si historie kan sporast attende heile 6-7.000 år. Frå 1664 av er det registrert busetnad.
I 1860 fekk Sandnes status som kommune (ladestad), og feirar med det 150 års jubileum i 2010. I 1965 vart Sandnes kommune utvida med delar av gamle Hetland kommune, dette galdt Riska sogn og Dale krins. Resten av Hetland kommune gjekk inn i Stavanger. Heile gamle Høyland og Høle kommunar gjekk òg inn i Sandnes.

Sandnes var lenge mest kjend for teglverk- og pottemakarindustri. Byen ligg inst i Gandsfjorden, og leirgrunn finst mest alle stader i byen. På austsida av byen er det mest leirgrunn.

Føretak som har drive med teglstein og pottemakeri heilt opp til nyare tid er Gann Graveren, og Simonsen-familien. I den seinare tid har produksjon av tekstiler og syklar vore viktigare. Føretak som Øglænd og Pioneer sette sitt preg på byen. Cubus vart og starta i Sandnes. I dag er det olje, forsking, data og eit godt forretningsmiljø som pregar byen.

Sandnesgauken |

I kommunevåpenet eller byvåpenet finn ein Sandnesgauken. Ein Sandnesgauk er ein leirgauk, som kan nyttast som eit leiketøy til å spela på. Ved å blåsa i ein Sandnesgauk kan ein laga tre forskjellige tonar, og gaukegalen er særskilt lett å få til. Leirgauken minner òg om ein fugl som står med hovudet under vengen.

Det er sagt at slike gaukar vart delte ut for å skapa blæst om leirprodukt frå Sandnes. Ein person som er frå Sandnes kan kalla seg sandnesar, sandnesbu eller sandnesgauk.^[1]

Kjøpesenterkommune |

I Sandnes kommune finn ein store kjøpesenter, både i sentrum og utanfor. Vågen Amfi ligg i ein gamal fabrikk ved kaia i Sandnes, medan Steen & Strøm Kvadrat ligg på Lura i Sandnes nord. Her er det mange slike store butikkar, og fleire føretak.

Kjende sandnesgaukar |

• 
  Bjørn Maaseide - sandvolleyballspelar
  


• 
  Torkel Ravndal - vektløftar
  


• 
  Eli Oftedal Sømme - kunstnar
  


• 
  Bjørg Tørresdal - politikar
  


• 
  Jørgen Langhelle - [skodespelar]


• 
  Jonas Øglænd - industrigrunnleggjar
  

Fotnotar |

1. 
   ↑ «Sandneser, sandnesbu eller gaug?» i Sandnesposten 24.03.2009
   

Bakgrunnsstoff |

• Nettsidene til Sandnes kommune

Kommunar i Rogaland
Bjerkreim Bokn Eigersund Finnøy Forsand Gjesdal Haugesund Hjelmeland Hå Karmøy Klepp Kvitsøy Lund Randaberg Rennesøy Sandnes Sauda Sokndal Sola Stavanger Strand Suldal Time Tysvær Utsira Vindafjord