Fdzfgy

Kartet viser kvar i Mali Bamako ligg.

Utsyn over Bamako frå ein ås rett utanfor byen.

Gatebilete frå Bamako.

Minibussar i Bamako.

Pont des Martyrs 'Martyrbrua', som bind i hop bydelane på kvar side av elva Niger.

Bamako er hovudstaden i det afrikanske landet Mali. Byen ligg ved elva Niger (Joliba 'blodelva' (joli 'blod', ba 'elv') på bambara) i den sørvestlege delen av landet. Bamako er administrativt sentrum i landet, og er ein viktig hamneby og eit regionalt handelssentrum. Hovudnæringane er tekstil, matvarer og metall.

Folkesetnad |

Bamako er på sjetteplassen mellom dei raskast veksande byane i verda.^[1] I 1884 hadde byen 2 500 innbyggjarar, i 1908 8000 innbyggjarar^[2], i 1945 37 000 innbyggjarar, i 1960, året då Mali blei uavhengig, hadde talet stige til 100 000, og i 2009 var det kome opp i 2 209 225^[3]. Byen er dessutan den sjuande største i Vest-Afrika, etter Lagos, Abidjan, Kano, Ibadan, Dakar og Accra.

Namnet på byen |

Namnet Bamako kjem frå bambara og tyder 'krokodillerygg' (bama 'krokodille'; kɔ 'rygg').^[4]

Bydelar |

Bamako har desse bydelane; namna er skrivne på bambara (bamanankan) og nokre i tillegg på fransk (etter skråstreken når båe språka er med):

Klima |

Bamako ligg lengst sør i Sahel og har eit tropisk klima med ein gjennomsnittleg nedbør på 878 mm i året, og med ei klårt åtskild tørketid og regntid.

Venskapsbyar |

• 
  Angers, Frankrike (sidan 1974)


• 
  Bobo Dioulasso, Burkina Faso
  


• 
  Dakar, Senegal
  


• 
  Leipzig, Tyskland
  


• 
  Rochester, New York, USA (sidan 1975)


• 
  São Paulo, Brasil
  


• 
  Sinyar, Indonesia
  


• 
  Slocomb, Alabama, USA (sidan 1912)

Kjende personar som er fødde i Bamako |

• 1954, 24. oktober, Amadou Bagayoko, songar og gitarist i Amadou & Mariam
  


• 1955, 23. juni, Jean Tigana, fransk fotballspelar og -trenar


• 1958, 15. april, Mariam Doumbia, songar Amadou & Mariam
  


• 1968, 25. februar, Oumou Sangaré, songar, feminist og menneskerettsaktivist


• 1979, 15. juli, Boubacar Diarra, malisk fotballspelar


• 1978, 15. april, Soumaila Coulibaly, malisk fotballspelar i FSV Frankfurt
  

Norske organisasjonar i Bamako |

Mange internasjonale humanitære organisasjonar og misjonsorganisasjonar er etablerte i Bamako, og mellom norske organisasjonar finn vi Kirkens nødhjelp, Strømmestiftelsen, Santalmisjonen og Det norske misjonsselskap.^[5]

Bibliografi |

Brauner, Siegmund 1974. Lehrbuch des Bambara. Leipzig: VEB Verlag Enzyklopädie.

Fotnotar |

1. 
   ↑ The world’s fastest growing cities and urban areas from 2006 to 2020
   


2. 
   ↑ S. Konaté, Bamako, enracinée dans l’histoire, ouverte au Monde, L’Essor , 1er décembre 2005.
   


3. 
   ↑ Jf. artikkelen om Bamako på fransk wikipedia.
   


4. 
   ↑ Jf Artikkelen om Bamako på tysk wikipedia og Brauner (1974).
   


5. 
   ↑ Eigne observasjonar under fleire opphald i Bamako; Rolf Theil.