Fdzfgy

Kart over Jærbanen med stasjonsnamn

Jærbanen er namnet på jarnbanelina Stavanger-Egersund.

Jærbanen kan sjåast på som byrjinga til eller slutten på Sørlandsbanen Stavanger - Kristiansand - Oslo. Strekninga går over det flate kystlandskapet Jæren.

Jærbanen vart opna i 1878 som ein smalsporbane (1067 mm), i 1944 vart bana omgjort til ei normalsporbane (1435 mm). I 1956 vart linja elektrifisert. På grunn av høg lokaltrafikk vart linja utvida med dobbeltspor frå Stavanger til Sandnes stasjon. Anleggsarbeidet starta i oktober 2006. Offisiell opning fann stad på den nye Paradis haldeplass måndag 14. desember 2009 med samferdsleminister Magnhild Meltveit Kleppa til stades.

Jærbanen har eit sidespor, Ålgårdbanen, som går frå Ganddal til Ålgård, ein avstand på 12 kilometer. Ålgårdbanen hadde passasjertrafikk frå opninga i 1924 og fram til 1955, men vanleg godstrafikk heldt fram til 1988. I dag kan du i sommarhalvåret leiga dresin på den nedlagde Figgjo stasjon, som er eit museum.

Stasjonar og haldeplassar |

• 
  Stavanger stasjon - 5,3 moh. Stasjonen vart opna i 1878


• 
  Paradis haldeplass - haldeplass frå 2009


• 
  Hillevåg haldeplass - haldeplass frå 1880 til 2009


• 
  Mariero haldeplass - haldeplass sidan 1880-åra
  


• 
  Lyngnes haldeplass - haldeplass (1957–1992)


• 
  Vaulen haldeplass - haldeplass mellom 1918 og 1957


• 
  Jåttå haldeplass - haldeplass frå april 2004


• 
  Hinna stasjon, stasjon frå 1878 til 1965. Frå 1965 sporadiske stopp.


• 
  Gausel gamle haldeplass, haldeplass frå 1904 til 1957


• 
  Gausel haldeplass - haldeplass frå 2009


• 
  Forus haldeplass, haldeplass frå 1904 til 1967


• 
  Lura haldeplass, haldeplass frå 1916 til 1951


• 
  Sandnes stasjon - 6,1 moh. Hovudstasjon frå slutten av 1990-åra
  


• 
  Sandnes haldeplass Sandnes gamle hovudstasjon. Stasjon frå 1878


• 
  Ganddal stasjon - 22,5 moh. Stasjonen vart opna i 1878. Sjå og Ålgårdbanen.


• 
  Øksnevadporten haldeplass, haldeplass frå 1933


• 
  Klepp stasjon Stasjonen vart opna i 1878


• 
  Bryne stasjon - 30,4 moh. Stasjonen vart opna i 1878


• 
  Hognestad haldeplass, haldeplass frå 1879 til 198?


• 
  Nærbø stasjon - 31,4 moh. Stasjonen vart opna i 1878


• 
  Varhaug stasjon - 44,3 moh. Stasjonen vart opna i 1878


• 
  Vigrestad stasjon - 32,6 moh. Stasjonen vart opna i 1878


• 
  Brusand stasjon - 2,8 moh. Stasjonen vart opna i 1879


• 
  Ogna stasjon - 4,4 moh. Stasjonen vart opna i 1878


• 
  Sirevåg stasjon - 13,9 moh. Stasjonen vart opna i 1879


• 
  Vatnamot haldeplass, haldeplass frå 1879 til 1950


• 
  Hellvik stasjon - 18,1 moh. Stasjonen vart opna i 1878


• 
  Maurholen haldeplass. «Lille Sirevaag» haldeplass frå 1879 til 1921. "Lille Sirevåg" haldeplass frå 1921 til 1934. Maurholen haldeplass frå 1934 til 1944.


• 
  Egersund stasjon - 11,1 moh. Stasjonen vart opna 1944 i samband med opninga av Sørlandsbanen. Den gamle stasjonen frå 1878 låg vel ein kilometer frå den nye stasjonen.

Denne artikkelen manglar kjelder eller referansar. Hjelp Wikipedia med å finna truverdige kjelder!