Fdzfgy

Hurrungane
fjellområde
Hurrungane sett mot vest. Skagastølstindane er høgste topp ein ser i bilete
Land	Noreg
Område	Sogn og Fjordane
Fjellkjede	Jotunheimen
Høgd	Store Skagastølstind: 2 405 moh
Koordinatar	61°27′N 07°51′EKoordinatar: 61°27′N 07°51′E
Wikimedia Commons: Hurrungane

Hurrungane (eller Hurrungene, Hurrungadn, Horungane) er eit fjellområde på grensa mellom Luster og Årdal kommune i Sogn og Fjordane. Området ligg sørvest i Jotunheimen, og inkluderer Skagastølstindane, Styggedalstindane, Dyrhaugstindane, Maradalstindane, Austanbotntindane, Soleibotntindane med fleire.

Store Austanbotntind (venstre), Store Ringstind og Soleitindane sett frå Store Skagastølstind

Området har mange av dei villaste toppane i Noreg og 23 toppar over 2000 moh. (med primærfaktor på 30 m eller meir). Mange av toppane kan ein berre nå med fjellklatring eller vandring på bre, men det finst òg nokre som ikkje gjer det.

Hurrungane har daler som i hovudsak går nord-sør. Dei største dalane er Skagadalen, Ringsdalen, Gravdalen, Stølsmaradalen, Midtmaradalen, Maradalen. Hurrungane er grovt sett avgrensa av Utladalen mot sør og aust, av Helgedalen og Bergsdalen mot nord og Berdalsbandet mot vest.

Ei rekkje mindre, alpine isbrear ligg i området. Dei største er Jervvassbreen, Styggedalsbreen, Skagastølsbreen, Ringsbreen, Berdalsbreen, Stølsmaradalsbreen, Midtmaradalsbreen, Slingsbybreen og Maradalsbreen. I tillegg finst det fleire mindre botnbrear.

Hurrungane sett frå Fannaråki. Foto: Bernt Marius Johnsen

Friluftsliv |

Eit vanleg utgangspunkt for turar i Hurrungane er Turtagrø, 884 moh, ved riksveg 55 nord for Hurrungane. Her ligg Turtagrø hotell, eit hotell med lange tradisjonar som samlingsstad for fjellsport og klatring. På Turtagrø er det høve til å leige fjellførar frå Norgesguidene for å nå toppar i området.

DNT har to hytter i området: Skagastølsbu, ei nødbu, 1758 moh., kjent som «Hytta på Bandet» og Stølsmaradalen, 845 moh. Ein merkt sti går frå Turtagrø gjennom Skagadalen opp til Bandet.

Fjell i Hurrungane |

Dei høgaste toppane i området er

• 
  Storen (Skagastølstindane, Store) (2405 moh.)


• 
  Styggedalstindane, Store (2387 moh.)


• 
  Jervvasstind(Gjertvasstind) (2351 moh.)


• 
  Sentraltind (2348 moh.)


• 
  Vetle Skagastølstind (2340 moh.)


• 
  Midtre Skagastølstind (2284 moh.)


• 
  Skagastølsnebbet (2222 moh.)


• 
  Store Austanbotntind (2202 moh.)

Bakgrunnsstoff |

• Bergtatt si side om Hurrungane


• Turtagrø hotell


• Webkamera på Turtagrø hotell


• Norgesguidene

Kjelder |