Bygdedans
Bygdedans er den eldste og mest særmerkte blant norske folkedansar. Bygdedansane var dei mest vanlege dansane i landet vårt før runddansen vart populær. Dei eldste bygdedansformene kom til Noreg kanskje allereie på 1500-talet, og har gjennom tida teke farge av stilideal i ulike tidsepokar og dei ulike lokalmiljøa dei var i, noko som har ført til at vi i dag har eit mangfald av danseformer. Dei eldste formene har enkle steg og bygdedanssnu, medan dei nyare er påverka av runddansen og har hurtig eintaktsnu (runddanssnu). Mange bygder har fått si eiga runddansform.
Til bygdedans reknar ein springar, gangar, pols, rull og halling, med ulike lokale namn. Då finst til dømes vestlandsspringar, telespringar, numedalsspringar, hallingspringar, numedalsgangar, telegangar, nordlandspols, drevjepols, rørospols, springleik og finnskogpols.
Kjelder |
- Denne artikkelen bygger på «Bygdedans» frå Wikipedia på bokmål, den 10. januar 2011.
