Fdzfgy

AC/DC
Gitaristen Angus Young i 2001
Opphav	Australia
Sjanger	Hardrock Bluesrock Rock 'n' roll
Aktive år	1973 -
Plateselskap	Albert, Atlantic, ATCO, Elektra, Eastwest, EMI, Epic Records
Nettside	www.acdc.com
Medlemmer
Angus Young Malcolm Young Cliff Williams Brian Johnson Phil Rudd
Tidlegare medlemmer
Bon Scott Simon Wright Chris Slade Mark Evans Dave Evans

AC/DC er ei hardrock-gruppe frå Sydney i Australia. Gruppa vart stifta i i desember 1973 av brørne Angus og Malcolm Young. Sjølv om bandet vert rekna som pionerar innan hardrock og heavy metal,^[1][2] har medlemmene alltid klassifisert sin eigen musikk som «rock 'n' roll».^[3]

Fleire musikarar var innom AC/DC før dei gav ut det første albumet sitt, High Voltage i 1975. I 1977 vart bassisten Cliff Williams erstatta av Mark Evans. I 1979 gav bandet ut det svært populære albumet Highway to Hell. Vokalist og medlåtskrivar Bon Scott døydde 19. februar 1980 i tung alkoholrus. Bandet vurderte å gje seg etter dette, men Brian Johnson, tidlegare frå Geordie tok over. Seinare same året gav dei ut sitt bestseljande album, Back in Black.

Det neste albumet deira For Those About to Rock We Salute You, vart òg særs populært og det første albumet deira som nådde toppen av salslistene i USA. AC/DC vart så gradvis mindre populære etter at trommeslagar Phil Rudd forlet bandet i 1983. Dårlege salstal prega dei neste albuma fram til The Razors Edge kom i 1990. Phil Rudd kom tilbake til bandet i 1994 og medverka på albumet Ballbreaker i 1995. Stiff Upper Lip vart gjeve ut i 2000 og fekk god kritikk.

AC/DC har seld meir enn 200 millionar album i heile verda,^[4] inkludert 69 millionar album berre i USA.^[5] Det er seld om lag 42 millionar eksemplar av Back in Black i verda^[6] og med 22 millionar selde eksemplar berre i USA,^[7] er albumet det femte besteseljande albumet nokon gong her. AC/DC vart plassert på fjerdeplass på VH1 si liste over «100 største hardrock-artistar»^[8]. I 2004 vart bandet plassert som nummer 72 av dei 100 største artistane gjennom tidene av musikkmagasinet Rolling Stone.

Dagens medlemmar |

• 
  Brian Johnson - vokalist
  


• 
  Cliff Williams - bassgitar
  


• 
  Angus Young - gitar
  


• 
  Stevie Young - rytmegitar


• 
  Chris Slade - trommer
  

Tidlegare medlemmar |

• 
  Bon Scott - vokalist (1974-1980)


• 
  Simon Wright - trommer (1983-1989)


• 
  Chris Slade - trommer (1989-1994)


• 
  Mark Evans - bassgitar (1975-1977)


• 
  Dave Evans - vokalist (1973-1974)

Album |

• 
  High Voltage (September 1976, Albert Productions)


• 
  Dirty Deeds Done Dirt Cheap (November 1976, Atlantic Records)


• 
  Let There Be Rock (Juni 1977, Atlantic Records)


• 
  Powerage (Mai 1978, Atlantic Records)


• 
  If You Want Blood You've Got It (Oktober 1978, Atlantic Records)


• 
  Highway To Hell (Juli 1979, Atlantic Records)


• 
  Back In Black (Juli 1980, Atlantic Records)


• 
  For Those About To Rock We Salute You (November 1981, Atlantic Records)


• 
  Flick Of The Switch (August 1983, Atlantic Records)


• 
  '74 Jailbreak (Oktober 1984, Atco Records)


• 
  Fly On The Wall (Juni 1985, Atlantic Records)


• 
  Who Made Who (Mai 1986, Atlantic Records)


• 
  Blow Up Your Video (Januar 1988, Epic Records)


• 
  The Razors Edge (September 1990, Atlantic Records)


• 
  Live (Oktober 1992, Atlantic Records)


• 
  Ballbreaker (September 1995, Elektra Records)


• 
  Stiff Upper Lip (Februar 2000, EMI)


• 
  Black Ice (Oktober 2008, Columbia Records)

Video |

• Let There Be Rock (1980)


• Fly On The Wall (1985)


• Who Made Who (1986)


• Clipped (1991)


• Live At Donington (1991)


• For Those About To Rock We Salute You (1993)


• No Bull (1996)


• Stiff Upper Lip Live (2001)


• Toronto Rocks (2004)


• Family Jewels (2005)

Bakgrunnsstoff |

Wikimedia Commons har multimedia som gjeld: AC/DC

• Offisiell heimeside


• AC/DC Rising Power, Fanside

Kjelder |