MS «Sleipner» (1999)
 MS «Sleipner» på veg inn på Vågen i Bergen, i rute for Flaggruten frå Stavanger og Haugesund. Foto: Harald Sætre | |
| Karriere |  Noreg |
|---|---|
| Namn: | MS «Sleipner» |
| Eigar: | Hardanger Sunnhordlandske Dampskipsselskap |
| Verft: | Austal Ships Pty. Ltd. i Freemantle i Australia |
| Byggekostnad: | 50 mill. kr. |
| Verftsnummer: | 83 |
| Sjøsett: | 1999 |
| Døypt: | 20. august 1999 |
| Heimehamn: | Bergen |
| Kjennemerke: | LJYH |
| IMO-nummer: | 9193032 |
| Lagnad: | Forliste 26. november 1999 |
| Generelle mål | |
| Type: | Snøggbåt/katamaran |
| Tonnasje: | 735 bruttotonnregister, 231 nrt |
| Daudvekt: | 52 tonn |
| Lengd: | 41,75 m |
| Breidd: | 12,50 m |
| Djupgang: | 4,02 m |
| Dekk: | 4 |
| Installert effekt : | 3152 bhk |
| Framdrift: | 2x 16cyl. 4T DM (MTU, Friedrichshafen) |
| Fart: | 38 knop |
| Passasjerar: | 358 passasjerar |
MS «Sleipner» var ein katamaran, bygd hjå Austral Ships, Pty Ltd i Australia i 1999 for HSD Sjø saman med systerskipet MS «Draupner».
Båten var 42 m lang, 12,5 m brei. Byggekostnaden var 50 millionar kroner.[1] På andre dekk var det plass til 45 passasjerar i røykesalongen og 136 passasjerar utanom det. Tredje dekket hadde 26 plassar i VIP-salongen og 152 plassar til utanom. I alt hadde fartøyet sertifikat for 358 passasjerar.
Innhaldsliste
1 Historie
2 Ruter i Noreg
3 Kjelder
4 Bakgrunnsstoff
Historie |
Skipet ankom Bergen som dekklast 6. mai 1999 og vart innført i Skipsregisteret 19. august same året. Dagen etter var det dåpsseremoni i Bergen og den 25. august 1999 gjekk jomfruturen til Stavanger. «Sleipner» gjekk så i Flaggruten mellom Bergen og Stavanger.
Den 26. november 1999 grunnstøytte MS «Sleipner» i dårleg vêr på Bloksene ved Ryvarden fyr i Sveio kommune i Hordaland på grunn av feilnavigering. Fartøyet sokk og 16 personar omkom, inkludert éin frå mannskapet. 69 personar vart redda av kring ti-tolv fartøy som kom til unnsetning. Kapteinen vart sidan dømd til seks månader betinga fengsel for aktløyse, medan reiarlaget vart frikjend.[2]
I mars 2000 vart baugpartiet heva av dykkarfartøyet «Regalia», medan eit forsøk på å heva skroget vart avbrote.[1] I august same året vat skroget heva av «Eidelift 2» og frakta til Aker Stord på Leirvik. I 2001 vart det frakta til Høylandsbygd, før det i juli 2004 vart frakta til Hanøytangen på Askøy for opphogging.[1]
Ruter i Noreg |
- 25. august 1999 - 26. november 1999: Flaggruten (Stavanger - Bergen)
Kjelder |
↑ 1,01,11,2 «Kat. "SLEIPNER" 1999». Skipsarkiv Rogaland. Henta 22. april 2019.
↑ [1]
Bakgrunnsstoff |
- Sleipner-kommisjonens sluttraport (NOU 2000:31)
