Kulehop
Kulehopen Omega Centauri inneheld rundt ti millionar stjerner og har ein alder på rundt 12 milliardar år. Det er spekulert i om hopen inneheld eit middelstort svart hòl, og at han er restane etter ein dverggalakse.[1]
Kulehopar er kuleforma samlingar av stjerner. Dei kan innehalda millionvis av stjerner og òg ofte nokre av dei eldste stjernene i universet. Det var før trudd at alle stjernene i ein kulehop var av same alder, men seinare studier har vist at i alle fall kulehopen NGC 2808 har tre generasjonar av stjerner, og at òg kulehopen Omega Centauri har fleire generasjonar stjerner.[2] Desse kan likevel vera rester etter dverggalaksar som har blitt slukt av Mjølkevegen.[2]
I Mjølkevegen finst det over 200 kulehopar.[1]
Sjå òg |
- blå etternølar
Kjelder |
↑ 1,01,1 «Astronomers Find Suspected Medium-Size Black Hole in Omega Centauri» - Hubble-pressemelding i samband med ei mogleg oppdaging av eit middelstort svart hòl i stjernehopen Omega Centauri.
↑ 2,02,1 «Hubble Finds Multiple Stellar 'Baby Booms' in a Globular Cluster» - Hubble-pressemelding i samband med oppdaginga av fleire generasjonar stjerner i kulehopen NGC 2808.
|
