Fdzfgy

Underskrifta til Fawkes på tilståinga om samansverginga. Øvst, svært svak og skjelvande like etter torturen. Nedst, åtte dagar seinare.

Guido Fawkes (13. april 1570–31. januar 1606), vanlegvis kjend ved den engelske forma Guy Fawkes, nytta òg dekknamnet John Johnson, var eit medlem av ei samansverjing av engelske katolikkar som stod bak krutsamansverjinga i 1605.

Samansverjinga var eit forsøk på å ta livet av kong Jakob I av England og medlemene av parlamentet medan dei var samla for den formelle opninga av parlamentet. Målet var å ta livet av den protestantiske eliten og om mogleg få innførd katolisismen att i England. Tønnene med krut i kjellaren under Houses of Parliament vart oppdaga, og forsøket mislukkast. Fawkes vart arrestert, og tilstod under tortur. Han vart avretta ved henging, trekking og kvartering.

Guy Fawkes Night |

Modell av Guy Fawkes brunnen i Lewes i Sussex i samband med Guy Fawkes Night.

I Storbritannia og til dels i andre engelsktalande land er det vanleg å feira Guy Fawkes Night, Guy Fawkes-kvelden, eller Bonfire Night. Feiringa skjer kvart år om kvelden og natta den 5. november, til minne om krutsamansverjinga den 5. november 1605.

I samband med feiringa syng ein:

Remember, remember the fifth of November,

gunpowder, treason and plot,

I see no reason why gunpowder treason

should ever be forgot.

Guy Fawkes, Guy Fawkes,

'twas his intent

to blow up the King and the Parliament.

Three score barrels of powder below,

Poor old England to overthrow:

By God's providence he was catch'd

With a dark lantern and burning match.

Holloa boys, holloa boys, make the bells ring.

Holloa boys, holloa boys, God save the King!

Hip hip hoorah!

Bakgrunnsstoff |

Commons har multimedia som gjeld: Guy Fawkes

Denne historieartikkelen er ei spire. Du kan hjelpe Nynorsk Wikipedia gjennom å utvide han.