Daddel
Daddel | ||
| ||
Systematikk | ||
Rike: | Plantae | |
Orden: | Arecales | |
| Familie: | Arecaceae | |
| Slekt: | Phoenix | |
Vitskapleg namn | ||
| Phoenix dactylifera Linné, 1753 | ||
Daddel er frukta frå daddelpalmen (Phoenix dactylifera) i palmefamilien. Ein dyrkar dadlar i tørre delar av Asia og Nord-Afrika, særleg i oasar. Daddeldyrking er særleg viktig i Midtausten.
Innhaldsliste
1 Skildring
2 Dadlar
3 Dyrking
3.1 Verdas eldste spirande frø
4 Daddel i kulturen
5 Kjelder
5.1 Fotnotar
6 Bakgrunnsstoff
Skildring |
Daddelpalmen er eit mellomstort tre, 15-25 meter høgt, som kan ha fleire stammar frå same rotsystemet eller ein enkel stamme. Blada er 3-5 meter lange.
Dadlar på treet.
Dadlar |
Daddelfrukta er eigenleg eit bær som inneheld eitt frø. Ein har brukt dadlar til mat i Midtausten i tusenvis av år. Dei har vore dyrka frå Mesopotamia til Egypt, kanskje så tidleg som 4000 f.Kr Arkeologiske funn tyder på at dadlar kan ha vore kultiverte aust i Arabia i 6000 f.Kr
Aveny av daddelpalmar i Anaheim i California.
Dyrking |
Daddelpalmar blir dyrka for frukta, for å gje ly og som prydplante.
Verdas eldste spirande frø |
Eit 2000 år gammalt daddelfrø frå Masada nær Daudehavet vart i 2008 det eldste frøet i verda ein har fått til å spira.[1] Førebels undersøkingar har vist at planta deler omtrent halvparten av DNAet med tre moderne variantar av daddelpalmen, frå Egypt, Irak og Marokko.
Daddel i kulturen |
Daddelpalmen har lenge vore ein viktig kulturplante i området ho veks i. Han er nemnd fleire gonger i Bibelen og Koranen, og blir mellom anna nytta til å byggja lauvhytter under den jødiske sukkothøgtida. Palmegreinene er mellom anna eit symbol for siger, og kan brukast til å markera palmesundag. Innan islam er det vanleg å bryta fasta under ramadan med dadlar og vatn. Ifølgje tradisjonen likna Muhammed ein god truande med daddelpalmen.[2]
Daddelpalmen er eit nasjonalsymbol for Saudi-Arabia, som nytte henne i riksvåpenet. Ho er også avbilda på pengar og frimerke frå Algerie, Libya og Tunisia.[3]
Kjelder |
- Denne artikkelen bygger på «Daddelpalme» frå Wikipedia på bokmål, den 6. november 2010.
- Martha Modzelevich, Phoenix dactylifera, Date Palm, Tamr תמר מצוי , تمر, Flowers in Israel
- Najma Mohamed, Plants of the Qur'an: The Date Palm, islamonline.net, 2011-01-20
Fotnotar
↑ Connor, Steve: 2,000-year-old seed grows into 'tree of life' for scientists, The Independent, 13. juni 2008
↑ Bukhari, Hadith 3:411, fortald av Ibn 'Umar
↑ Date Palm ved foodmuseum.com
Bakgrunnsstoff |
Wikimedia Commons har multimedia som gjeld: Daddel
Wikispecies har taksonomisk informasjon om Phoenix dactylifera
Date Palm Cultivation. FAO PLANT PRODUCTION AND PROTECTION PAPER 156, Rev. 1.
Denne biologiartikkelen som har med landbruk å gjere er ei spire. Du kan hjelpe Nynorsk Wikipedia gjennom å utvide han.
Denne biologiartikkelen som har med landbruk å gjere er ei spire. Du kan hjelpe Nynorsk Wikipedia gjennom å
|
