Fdzfgy

Eurovision Song Contest 1999
Dato
Vertskap
Varigskap
Opningsnummer
Pausenummer
Bidrag
Attende  Bosnia-Hercegovina  Danmark  Island  Litauen  Austerrike
Ikkje med  Finland  Hellas  Republikken Makedonia  Romania  Slovakia  Sveits  Ungarn
Kart
Røysting
Vinnar  Sverige Take me to your heaven
Eurovision Song Contest
1998 2000

Eurovision Song Contest 1999 var den 44. Eurovision Song Contest, og vart arrangert den 29. mai 1999 i Merkaz HaKongresim HaBeinLeumi i Jerusalem i Israel. Israel fekk arrangementet etter at Dana International vann året før, i 1998. Programleiarane var Yigal Ravid, Dafna Dekel og Sigal Shahamon. Etter ei spanande avstemming vann Sverige sitt bidrag «Take me to your heaven» av Charlotte Nilsson. Dette var fjerde gongen Sverige vann i historia, og andre gongen dei vann i 1990-åra. (Carola vann i 1991 med «Fångad av en stormvind»).

Frå og med dette året droppa EBU regelen som sa at bidraga måtte vera på eitt av dei offisielle språka i landet det kom frå; deltakarane stod no fritt til å syngja på kva språk dei ville. I 1999 valde 13 av dei 23 landa å syngja heilt eller delvis på engelsk. Arrangøren trong heller ikkje å stille med eit orkester lenger, noko som har ført til at alle songane har blitt framført med singback sidan. Irske Johnny Logan, som har vunne tevlinga tre gonger (to gonger som artist, ein gong som låtskrivar) kritiserte denne avgjersla, og sa at tevlinga hadde vorte ei rein karaoke-tevling.

Latvia skulle eigentleg debutera, men trekte seg i siste liten. Som fylgje av dette vart Ungarn tilbode plassen deira. Då Ungarn avslo, fekk Portugal tilbodet om den ledige plassen, og dei takka ja. Ungarn kom ikkje att før i 2005.

Både Tyskland og Bosnia-Hercegovina måtte senda 2. plassane frå sine nasjonale finalar til Jerusalem. Dette kom av at vinnarane frå begge landa vart diskvalifiserte. Men både vinnaren i Tyskland, Corinna May, og vinnaren i Bosnia-Hercegovina, Hari Mata Hari, skulle koma att seinare, i kvar seg 2002 og 2006.

Artisten Selma frå Island med songen «All out of luck» var ein stor favoritt til å vinna tevlinga. Kypros vart på førehand tippa som ein av hovudutfordrarane hennar, men enda til slutt nest sist med berre to poeng (frå Storbritannia). Under avstemminga vart det ein kamp mellom Island, Kroatia, Sverige og Tyskland, der Island låg i teten det meste av tida. Bosnia-Hercegovina avgjorde til slutt det heile i Sverige sin favør, ved å gje dei 12 poeng og ingenting til Island.

Noreg sitt bidrag, «Living My Life Without You» av Stig van Eijk enda på 14. plass med 35 poeng.

Resultat |

Nr.	Land	Språk	Artist	Song	Nynorsk omsetjing	Plassering	Poeng
1	Litauen	Litauisk	Aistė Smilgevičiūtė	Strazdas	Syngjande trost	20	13
2	Belgia	Engelsk	Vanessa Chinitor	Like The Wind	Som vinden	12	38
3	Spania	Spansk	Lydia	No quiero escuchar	Eg vil ikkje høyra	23	1
4	Kroatia	Kroatisk	Doris Dragović	Marija Magdalena	Maria Magdalena	4	118
5	Storbritannia	Engelsk	Precious	Say It Again	Sei det igjen	12	38
6	Slovenia	Engelsk	Darja Švajger	For a Thousand Years	For tusen år	11	50
7	Tyrkia	Tyrkisk	Tuğba Önal & Group Etnik	Dön Artık	Kom tilbake	16	21
8	Noreg	Engelsk	Stig Van Eijk	Living My Life Without You	Lever livet mitt utan deg	14	35
9	Danmark	Engelsk	Trine Jepsen & Michael Teschl	This Time I Mean It	Denne gongen meiner eg det	8	71
10	Frankrike	Fransk	Nayah	Je veux donner ma voix	Eg vil gje mi stemme	19	14
11	Nederland	Engelsk	Marlayne	One Good Reason	Ein god grunn	8	71
12	Polen	Polsk	Mietek Szczesniak	Przytul mnie mocno	Hald meg fast	17	19
13	Island	Engelsk	Selma	All Out of Luck	Tom for hell	2	146
14	Kypros	Gresk	Marlain	Tha 'ne erotas	Det vil vera kjærleik	22	2
15	Sverige	Engelsk	Charlotte Nilsson	Take Me to Your Heaven	Ta meg til ditt paradis	1	155
16	Portugal	Portugisisk	Rui Bandeira	Como tudo começou	Hvordan alt begynte	21	12
17	Republikken Irland	Engelsk	The Mullans	When You Need Me	Når du treng meg	17	18
18	Austerrike	Engelsk	Bobbie Singer	Reflection	Refleksjon	10	65
19	Israel	Engelsk, hebraisk	Eden	Yom huledet (Happy Birthday)	Bursdag (Gratulerer med dagen)	5	93
20	Malta	Engelsk	Times Three	Believe 'n Peace	Trur på fred	15	32
21	Tyskland	Tysk, tyrkisk, Engelsk, Hebraisk	Sürpriz	Reise nach Jerusalem - Kudüs'e Seyahat	Reisa til Jerusalem	3	140
22	Bosnia-Hercegovina	Bosnisk/kroatisk/serbisk, fransk	Dino & Béatrice	Putnici	Reisande	7	86
23	Estland	Engelsk	Evelin Samuel & Camille	Diamond of Night	Diamant av natta	6	90

Kjelder |