Fdzfgy

The Mindbenders
Wayne Fontana & The Mindbenders i 1965. V-H: Bob Lang, Ric Rothwell, Eric Stewart og Wayne Fontana
Sjanger	Beat, pop
Aktive år	1963–1968
Tilknytte artistar	Wayne Fontana, 10cc
Plateselskap	Fontana Records
Tidlegare medlemmer
Wayne Fontana Bob Lang Ric Rothwell Eric Stewart Graham Foote Paul Hancox Graham Gouldman

The Mindbenders (opphavleg gruppa til Wayne Fontana) var ei beatgruppe i 1960-åra frå Manchester i England. Bandet var ein del av den britiske bølgja midt på 60-talet på dei amerikanske singellistene med hittane «Game of Love» (med Wayne Fontana) i 1965 og «A Groovy Kind of Love» i 1966.

Karriere |

Wayne Fontana skipa bandet i 1963 med Bob Lang, Ric Rothwell og Eric Stewart.^[1] Seinare kom Grahame Foote inn i gruppa.^[2] Namne på gruppa var inspirert av namnet på ein film frå 1963, med den britiske skodespelaren Dirk Bogarde, kalla The Mind Benders. Wayne Fontana & the Mindbenders gav ut fleire singlar før dei kom med «Um Um Um Um Um Um» i 1964, som vart den første store hitten deira i Storbritannia og førte til ein turné med Brenda Lee. Dei fekk òg ein hit i USA med «Game of Love» i 1965, som gjekk heilt til topps på lista der og nådde andreplassen på UK Singles Chart.

Etter ein turné i Amerika og fleire singlar som selde dårlegare enn «Game of Love», slutta Fontana i bandet midt under ein konsert i 1965. Stewart vart då frontmann i bandet og dei kalla seg berre The Mindbenders.

Den første singelen til The Mindbender utan Fontana var hitten «A Groovy Kind of Love» (ein song av Carole Bayer Sager og Toni Wine).^[1] Songen nådde andreplassen i USA^[1] (toppen av Cashbox-lista) og andre plassen i Storbritannia i 1966. Singelen selde over ein million eksemplar verda over.^[3]

Ein annan song av Bayer og Wine, «Ashes to Ashes», nådde 14. plassen på UK Singles Chart hausten 1966.^[1]

Stewart vart etter kvart låtskrivar og skreiv «My New Day and Age» for Family. Men The Mindbenders fortsette å søke etter songar utafor bandet.^[1] Det neste prosjektet deira var eit konseptalbum, fleire månader før Sgt. Pepper's Lonely Hearts Club Band, S.F. Sorrow og Tommy kom ut.^[1] Albumet With Woman in Mind, inneheldt «I Want Her, She Wants Me» (skriven av Rod Argent frå The Zombies), «Ashes to Ashes» og «Schoolgirl». Albumet selde derimot dårlegl og vart ikkje ein gong gjeven ut i USA.

The Mindbenders gav ut ein versjon av «The Letter» som nådde 42. plassen i Storbritannia, som den siste singelen deira på den britiske singellista. Eit par singlar til kom ut i 1968, men selde heller dårleg. Lang slutta og vart erstatta av Graham Gouldman, og med han i bandet spelte dei inn den siste singelen sin «Uncle Joe, the Ice Cream Man».^[1]

20. november 1968 vart bandet lagt ned etter den siste konserten på ein britisk turné i lag med The Who, Arthur Brown og Joe Cocker.^[1] Stewart og Gouldman danna så Hotlegs og sidan bandet 10cc.^[1]

Medverkande |

• 
  Wayne Fontana – vokal (1963-1965)
  


• Bob Lang – bass (1963-1968)
  


• Ric Rothwell – trommer (1963-1967)
  


• 
  Eric Stewart – gitar, vokal (1963-1968)
  


• Graham Foote – gitar (1963-1968)
  


• Paul Hancox – trommer (1967-1968)
  


• 
  Graham Gouldman – bass (1968)
  

Diskografi |

For utgjevingar med Wayne Fontana, sjå Wayne Fontana.

Singlar |

Album |

• 
  Wayne Fontana and the Mindbenders – 1964 (UK Fontana TL5230)


• 
  The Game of Love – 1965 (US Fontana MGF 27542 (Mono)/SRF 67542 (Stereo))


• 
  Eric, Rick, Wayne and Bob – It's Wayne Fontana and the Mindbenders – 1965 (UK Fontana TL5257)


• 
  The Mindbenders (UK Fontana STL 5324) – June 1966


• 
  A Groovy Kind of Love (US Fontana MGF 27554 (Mono) / SRF 67554 (Stereo) -- US nr. 92, Juli 1966


• 
  With Woman in Mind (UK Fontana STL 5403) – April 1967


• 
  The Best of Wayne Fontana & The Mindbenders (US Fontana 314 522 666-2 ) – 1994

Kjelder |