Doo-wop
| Doo-wop | |
[[Fil: |frameless]]Ein typisk akkordprogresjon av doo-wop i C-dur (Play ) | |
| Stilmessig opphav |
|
|---|---|
| Kulturelt opphav | 1940-åra, afroamerikanske samfunn i fleire store byar på austkysten av USA |
| Typiske instrument |
|
| Avleidde former |
|
Doo-wop er ein musikksjanger som vart utvikla i afroamerikanske miljø i New York City, Philadelphia, Chicago, Baltimore, Newark, Pittsburgh, Cincinnati, Detroit, Washington, D.C. og Los Angeles i 1940-åra og vart særs populær i 1950- og tidleg i 1960-åra. Stilen bygde på vokalharmoni og var ein av dei mest populære, pop-aktige R&B-stilane på den tida. Songaren Bill Kenny (1914–1978) vert ofte kalla «gudfaren for doo-wop» fordi han innførte «topp og botn»-formatet, som består av ein høg tenor som syng førstestemme og ein bassongar som resiterer teksten i midten av songen. Doo-wop vart sungen av vokalgrupper i harmoni med meiningslause stavingar, ein enkel rytme, stundom lite eller ingen instrumentering, og enkel musikk og tekst.[1]
Den førte hitsingelen som brukte stavinga «doo-wop» var truleg «When You Dance» av The Turbans i 1955.[2] Omgrepet «doo-wop» vart først nytta på trykk i 1961. Seint i 1950-åra var det mange italiensk-amerikanske grupper som gjorde viktige bidrag til doo-wop-miljøet. Doo-wop nådde toppen i 1961. Doo-wop påverka vidare soul, pop og rock i 1960-åra. Til forskjellige tider frå 1970- til 1990-åra har sjangeren hatt populære periodar. Doo-wop var ein føregjengar til mange afroamerikanske musikkstilar som er populære i dag. Doo-wop påverka òg mange store rock and roll-grupper som vart populære seinare på 1900-talet. Doo-wop er ikonisk for ein swing-liknande rytme og bruk av off-beat for å halde takta. Doo-wop la grunnlaget for mange musikalske nyskapingar.
Kjende artistar og songar |
Frankie Lymon & the Teenagers - «Why Do Fools Fall In Love»
The Marcels - «Blue Moon»
The Penguins - «Earth Angel»
The Silhouettes - «Get a Job»
Moonglows - «Blue Velvet»
The Shirelles - «I Met Him on a Sunday»
Dion and the Belmonts - «I Wonder Why»
The Platters - «Only You (And You Alone)», «The Great Pretender»
Kjelder |
Denne artikkelen bygger på «Doo-wop» frå Wikipedia på engelsk, den 15. februar 2018.
Wikipedia på engelsk oppgav desse kjeldene:
↑ Hoffmann, F. Roots of Rock: Doo-Wop. In Survey of American Popular Music, modified for the web by Robert Birkline. Henta 15. februar 2018.
↑ «Where'd we get the name doo-wop». electricearl.com. Henta August 18, 2007.
