Fdzfgy

Denne artikkelen handlar om den tidlegare kvalstasjonen. For tettstaden i Noreg, sjå Husvik i Tønsberg.

Husvik
kvalstasjon
Strømnesfjorden med (venstre til høgre) Husvik, Strømnes, og Leith Harbour (NASA).
Land	Storbritannia
Stad	Sør-Georgia
- koordinatar	54°10′48″ S 36°42′42″ W
Husvik (Antarktis)

Husvik er ein tidlegare kvalstasjon nord på den sentrale kysten av Sør-Georgia. Han var ein av tre slike stasjonar i Strømnesfjorden, i lag med Strømnes og Leith Harbour. Husvik starta først som eit flytande kvalkokeri i 1907. I 1910 vart det bygd ein landstasjon som var i drift til 1930. Drifta starta opp att mellom 1945 og 1960. Husvik var òg ein av stadane det vart sett ut reinsdyr på Sør-Georgia i 1925.

Dei tre kvalstasjonane Husvik, Stromness og Leith var knytte saman av ein ujamn veg langs stranda. Under kvalfangstida nytta kvalfangarar i Strømnes og Husvik vegen for å dra til Leith Harbour der det var kino. Vegen kan framleis nyttast, men er enkelte stader umogeleg å passere på grunn av aggressive pelsselar som ynglar her i november og desember.

Husvik ligg ved Strømnesfjorden.

Fryseanlegget vart demontert og flytta til Grytviken i 1960 og kvaldrifta ved Husvik vart nedlagt for godt. Seinare har forskarar frå British Antarctic Survey nytta huset til kvalfangstbestyraren når dei har arbeidd i området fram til midten av 1990-åra. I nyare tid har BSES-ekspedisjonen i desember 2003 nytta stasjonen baseleir for fleire forskingsprosjekt.

I lag med Leith, Strømnes og Prince Olav Harbour vert det rekna som for farleg å vitje desse stasjonane i dag på grunn av bygningar som står i fare å falle ned og asbest. Vitjande må i dag halde seg minst 200 meter frå bygningar og strukturar. Sidan 2011 har ein derfor ikkje hatt løyve til å vitje bestyrarbustaden. Kaianlegget ligg òg innanfor denne 200 meterssonen og kan derfor ikkje nyttast. Ein koloni med Blue-eyed shags hekkar på kaien kvart år.

Sommaren 2005/6 leigde South Georgia Heritage Trust inn eit lag med norske handverkarar for å restaurere somme av bygningane i Husvik. I mars 2006 hadde bestyrarbustaden og radiohytta, og eit lite generatorskur, vorte restaurert.

Sør for Husvik ligg ein gravplass der 34 kvalfangarar vart gravlagde mellom 1924 og 1959.

Kjelder |

Bakgrunnsstoff |

• South Georgia Heritage Trust - Bilete av Husvik

v • d • e  Sør-Georgia og Sør-Sandwichøyane
Administrasjonssenter: King Edward Point (Grytviken)
Busetnader og kvalstasjonar	Grytviken · Godthul · Husvik · Leith Harbour · Ocean Harbour · Prince Olav Harbour · Rosita Harbour · Strømnes · Corbeta Uruguay
Øyar i Sør-Georgia	Annenkovøya · Birdøya · Black Rock · Black Rocks  · Clerke Rocks · Cooperøya · Grass Island · Grassholmen  · Kupriyanov Islands · Pickersgilløyane · Prion Island · Saddle Island · Shag Rocks · Sør-Georgia · Trinityøya · Welcome Islands · Willisøyane
Sør-Sandwichøyane	Bellingshausen · Bristol · Candlemas · Cook · Leskov · Montagu · Saunders · Thule · Vindication · Visokoi · Zavodovski · Traversay Islands
Landemerke	Allardyce Range  · Fortunabreen  · Gold Harbour · Larsen Harbour · Mount Belinda · Mount Paget · Peggotty Bluff · Salisbury Plain · Salvesen Range · Southern Thule · Thatcher Peninsula · Gracebreen  · Lucasbreen · Bay of Isles · Point Abrahamsen · Sheep Point · Strømnesfjorden · Cumberland Bay · Possession Bay · Sheer Point · Busen Point