Fdzfgy

Minneapolis City of Minneapolis
Kallenamn «City of Lakes, Mill City»
Motto «En Avant» (Framover)
Plassering
Styresmakter
Land	USA
Delstat	Minnesota
Fylke	Hennepin
Grunnlagd	1867
Geografi
Flatevidd  - By    - Land    - Vatn	153,3 km²   142,2 km²   9,1 km²
Innbyggjarar[1]  - By (2010)    - folketettleik  - Storbyområde	382 578   2 495,6 /km² 3 502 891
Koordinatar	44°58′48″N 93°15′50″WKoordinatar: 44°58′48″N 93°15′50″W
Høgd over havet	264 m
Tidssone - Ved sommartid	CST (UTC-6) CDT (UTC-5)
Diverse annan informasjon
Postnummer	612
Heimeside: www.ci.minneapolis.mn.us

Minneapolis er ein by i den amerikanske delstaten Minnesota. Byen hadde 382 578 innbyggjarar i 2010 og er den største byen i Minnesota. Minneapolis ligg i det søraustlege hjørnet av Minnesota, langs elva Missisippi. Byen har namnet sitt frå indianarspråket dakota. Ordet «minne» tyder vatn, og dannar bynamnet sett saman med det greske ordet polis, by.

Saint Anthony-falla i Minneapolis sentrum

I dei seinare åra har Minneapolis vokse heilt saman med St. Paul, som er mindre, men hovudstad for delstaten. Ofte blir dette byområdet kalla Twin Cities, tvillingbyane.
Minneapolis er den største byen i Minnesota og administrasjonsstad for Hennepin County. Byen grensar til byen Saint Paul, hovudstaden i Minnesota og den nest største byen i staten. Tvillingbyane utgjer det 15. største tettstadområdet i USA, med over 3 000 000 innbyggjarar.

Minneapolis vert rekna som en av de «norskaste» byane i USA, der eit stort tal norske immigrantar busette seg. Byen har ei norsk kyrkje Mindekirken med prest utsend frå Noreg. Kyrkja ligg sentralt i Minneapolis. Norsk-ætta amerikanarar feirar den norske grunnlovsdagen kvart år i ein av dei sentrale parkane i byen, Loring Park. Rett nok skjer feiringa ikkje alltid på 17. mai, men på den fridagen eller heilagdagen som kjem nærast.

Historie |

Minneapolis grodde fram langs Saint Anthonyfalla, den høgaste fossen langs Mississippielva. Det var mogleg å reisa med båt på elva heile vegen frå Saint Louis. På 1960-talet vart det bygd sluser, både for å regulering av vassnivået og for å hjelpa trafikken på elva.

Dei fyrste européarane som utforska området kring Minneapolis var franskmannen Louis Hennepin, og det var han som sette namn på Saint Anthonyfossen. Etter han har òg countyet der byen ligg fått namnet sitt. På grunn av at byen låg nær det militære anlegget Fort Snelling voks Minneapolis og nabobyen Saint Anthony kraftig på 1840-talet. Minneapolis fekk i 1867 status som by og vart slegen saman med Saint Anthony i 1872. Minneapolis si vide utstrekning vart i stor grad avgjort av Mississippielva. Mange av dei fyrste gatene gjekk parallelt med elva, for å kunna utnytta landbruksarealet bakanfor maksimalt. Seinare gjekk ein over til det gatesystemet som er i dag, og som vert nytta i mange moderne byar. Gatenettet vart lagd ut i eit nord-sør- og aust-vest mønster.
I byen finst det mange spesielle vegkryss, der ein har vore nøydd til å tilpassa seg dette gatemønsteret.

Opphavleg var den viktigaste næringsvegen skogbruk og landbruk, men i dag har ein fått fleire leiande føretak innan medisin og finans i byen. Store internasjonale konsern som til dømes Honeywell, 3M - Minnesota Mining and Manufactoring sine hovudkontor der. I forstaden Bloomington ligg Mall of America, det største kjøpesenteret i USA.

Den største delen av University of Minnesota ligg i Minneapolis og Saint Paul, der det er over 45 000 studentar.

Kjende folk frå Minneapolis |

• Prince

Norskætta som har gjort seg gjeldande i Minneapolis

• Bradley Joseph


• Walter Mondale


• Ole Rølvaag

Kjelder |

Bakgrunnsstoff |

Commons har multimedia som gjeld: Minneapolis

Reiseguide for Minneapolis frå Wikivoyage

• Nettstaden til City of Minneapolis


• Minneapolis Issues Forum


• Greater Minneapolis Convention and Visitor Association


• Minneapolis City Charter


• Downtown Minneapolis - Minneapolis Downtown Council


• Minneapolis Neighborhood Organizations


• Minneapolis Who's Who


• Ein song om Minneapolis


• 
  A History of Minneapolis - Minneapolis offentlege bibliotek