Oddmund Jensen
Oddmund Jensen | |
| Fødd | 26. september 1928 Sørfold |
| Død | 6. mars 2011 |
| Yrke | langrennsløpar |
Oddmund Ingvald Jensen (26. september 1928–6. mars 2011) i Sørfold var ein norsk langrennsløpar og langrennstrenar. Han budde i Lillehammer sidan fyrste halvdelen av 1950-åra til han døydde.
Jensen vart noregsmeister då han vann 50 km i 1959. For denne prestasjonen fekk han kongepokalen. På 3x10 km stafett i 1958 og 1959 var han på det sigrande laget, og han vann Birkebeinerrennet fem gonger. Han vann også tre sigrar i Monolittrennet (1958, 1959 og 1964). I tevlingar med sterke internasjonale konkurrentar nådde han sjeldan opp. Andreplassen på femmila i Holmenkollen i 1960 må tevle med fjerdeplassen på 15 km i Lahti i 1964 om å vere hans beste renn. I den siste tevlinga stilte mange fleire toppløparar opp, enn det gjorde i Holmenkollen 1960.
Jensen vann si fyrste NM-medalje (bronse) på 30 km på Voss i 1955. Ni år seinare vann han si siste; same valør på same distanse og same stad. Han hadde eitt individuelt gull og fire bronsemedaljar frå NM.
Innhaldsliste
1 Besteplasseringar i internasjonale meisterskap og renn
2 Medaljar og besteplasseringar i noregsmeisterskap
3 Trenar
4 Litteratur
5 Kjelder
Besteplasseringar i internasjonale meisterskap og renn |
- 1955: Nr 7 på 50 km i Holmenkollen
- 1956: Nr 4 på 50 km i Holmenkollen. Nr 17 på 30 km og nr 14 på 50 km i OL i Cortina d'Ampezzo
- 1957: Nr 13 på 15 km i Holmenkollen
- 1958: Nr 4 på 50 km i Holmenkollen
- 1959: Nr 12 på 30 km i Falun
- 1960: Nr 2 på 50 km i Holmenkollen. Nr 10 på 30 km og nr 11 på 50 km i OL i Squaw Valley
- 1961: Nr 10 på 15 km i Holmenkollen
- 1962: Nr 15 på 50 km i VM i Zakopane. Nr 8 på 50 km i Holmenkollen
- 1964: Nr 4 på 15 km i Lahti
Medaljar og besteplasseringar i noregsmeisterskap |
- 1952: Nr 11 på 50 km, Eidsvoll
- 1955: Bronse på 30 km, Voss
- 1956: Nr 4 på 30 km, Drammen
- 1957: Nr 4 både på 30 km (Mo i Rana) og 50 km (Rena)
- 1958: Bronsemedalje både på 15 km og 30 km, Oslo
- 1959: Gullmedalje på 50 km, Porsgrunn
- 1960: Nr 6 både på 30 km (Nedre Eiker) og 50 km (Fåberg)
- 1961: Nr 5 på 30 km, Røros
- 1962: Nr 4 på 50 km, Molde
- 1963: Nr 8 på 30 km, Rælingen
- 1964: Bronsemedalje på 30 km, Voss
Trenar |
Jensen var rikstrenar for herrelandslaget i langrenn i perioden 1964-78. Ingen andre har leia eit norsk langrennslandslag i tilsvarande lang tid. Han gjekk etter kvart berre under tilnamnet Riksen.
Litteratur |
- Om Oddmund Jensen i langrenn.com:[1]
|
Kjelder |
Sportsboken, aktuelle årgangar- NRK, 06.03.11: Tidligere rikstrener Jensen er død
