Fdzfgy

Sola kommune
kommune
kommunevåpen
Land	Noreg
Fylke	Rogaland
Adm.senter	Solakrossen
Areal	69 km²
Folketal	26 265 (1. januar 2018)
Folketettleik	381 / km²
Målform	nøytral
Ordførar	Ole Ueland (H)
Kommunenr.	1124
Wikimedia Commons: Sola
Nettstad: www.sola.kommune.no

Sjå òg Sola (fleirtyding) for andre ting som heiter Sola

Sola er ein kommune i Rogaland fylke med 19 555 innbyggjarar pr. 1. januar 2004, 9 571 av desse bur i tettstaden Solakrossen. Andre tettstadar er Tananger (5 833), Hålandsmarka (604) og Stenebyen (643).

Ved inngangen til 1980 var folkemengda i kommunen 12 323.

Sola kommune tilsvarar det som frå 1840 heitte Sola sokn i Håland herad.

Det er sju valkrinsar i Sola kommune; Tananger, Sola, Håland, Dysjaland, Stangeland, Røyneberg og Grannes.

Stavanger lufthamn, Sola, Hovudredningssentralen for Sør-Noreg og Sola Flystasjon ligg i Sola kommune. I Risavika ligg eit stort hamneanlegg.

Geografi |

Solastranda.

Sola kommune ligg nord på Jæren, ved Hafrsfjord. Kommunen grensar til Klepp kommune i sør, Sandnes kommune i aust og Stavanger kommune i aust og nord. I vest grensar kommunen til Nordsjøen.

I Sola finst mange fine sandstrender, mellom anna Solastranda. Høgaste punkt i kommunen er Kjerrberget (101 moh.).

Arealet er 69 km². Størstedelen er fruktbart sletteland. Jordbruksarealet er 41 km².

Øya Rott er kjend for sitt fugleliv. Her ligg det sørlegaste fugleværet i Noreg.

Historie |

Sola kommune er rik på spor etter menneskeleg verksemd, frå steinalderen via bronsealderen, vikingtida og fram til i dag. Rike gravfunn, mange fornminne og spor etter store gardar fortel om ei stordomstid heilt attende til bronsealderen.
Rægehaugane er det rikaste gravfunnet i Noreg frå bronsealderen.

Kjende namn frå vikingtida er Harald Hårfagre (om lag 865- om lag 933) og Erling Skjalgsson (fødd om lag 975). Begge er viktige i Noregssoga.
Erling Skjalgsson er kalla Rygekongen eller Rygane sin konge. Ein kald ettermiddag før jul i 1028 vart han hoggen ned av Aslak Fitjaskalle si stridsøks.

Samlinga av Noreg til eitt rike skjedde truleg rett ved Ytraberget i Sola kommune. Slaget i Hafrsfjord stod i 872 eller nokre år etter det. Ein bautastein med kong Olav V sin signatur vart reist nær toppen av Ytraberget ved 1100-års jubiléet i 1972. Monumentet 'Sverd i fjell' av kunstnaren Fritz Røed vart avduka i 1983. Det ligg i Møllebukta (ved den delen av Hafrsfjord som høyrer til Stavanger kommune).

Sola Ruinkyrkje frå 1120-1150 er restaurert og vart gjenopna i 1995.

Alt på 1200-talet var Sola delt i tre sokn med kvar si kyrkje, ei på Håland, ei på Sola og ei på Tjora. Det var desse tre sokna som i 1840 vart slegne saman til eitt.

Det fyrste heradsstyret i Håland (då skrive Haaland) vart kalla saman i 1837 og valde losoldermann Gabriel Monsen til sin fyrste ordførar.

Den tidlegare kommunen Håland herad vart i 1930 delt mellom Sola og dåverande Madla kommune. Madla vart i 1965 slegen saman med Stavanger).

Museum |

• Flyhistorisk Museum Sola


• Kystkultursamlinga i Tananger


• 
  Rogaland Krigshistoriske Museum (RKM)

Avis |

Solabladet er lokalavis for Sola. Regionavisa Stavanger Aftenblad har òg nyhende frå kommunen.

Bakgrunnsstoff |

• Sola kommune

Kommunar i Rogaland
Bjerkreim Bokn Eigersund Finnøy Forsand Gjesdal Haugesund Hjelmeland Hå Karmøy Klepp Kvitsøy Lund Randaberg Rennesøy Sandnes Sauda Sokndal Sola Stavanger Strand Suldal Time Tysvær Utsira Vindafjord