Fdzfgy

Bogebru i Firenze.

Svært enkel bjelkebru.

Nordhordlandsbrua, både flytebru og skråkabelbru

Ei bru er ein konstruksjon laga for kryssing av til dømes elver eller juv. I nyare tid er det òg blitt vanleg å byggja bruer over smale havstykke, som sund eller fjordar. Bruer kan bli brukte for å letta trafikken, både ved fotgjengararbruer over vegar og jernbanespor eller bruer for tog eller vegtransport over ei anna ferdselsåre.

Å byggja bruer er ein kunst som ingeniørar har imponert med i tusenår. Romarane er kjende for å ha bygd bruer overalt der riket deira spreidde seg.

Brutypar |

Lunde bru er ei tørrmura bogebru

Det finst fleire typar bruer, frå enkle til svært innvikla.

• 
  bjelkebru er ganske enkelt ein tjukk bjelke brukt som bru.


• 
  bogebru er forma som ein boge, og presset blir leia til fundamentet av brua.


• 
  hengebru er ei bru som er forankra med kablar frå høge tårn på kvar side og kanskje undervegs på brua.


• 
  skråkabelbru er òg forankra i høge tårn, men her står kablane i ei vifte ut frå tårna


• 
  flytebru er ei bru som ligg på vatnet, halde oppe av si eiga oppdrift. Har gjerne pontongar for å få stor nok oppdrift.


• 
  klopp er ei lita gangbru av stokkar eller stein


• vindebru


• utkragingsbru er ein variant av bjelkebru der spennet blir gjort kortare ved å mure utkraging frå begge sider slik at det dannar ein sterk «utkragingsbue»^[1]
  

Døme på utkragingsteknikk i tørrmur, detalj av Horndøla bru frå 1810.

Golden Gate Bridge er ei hengebru.

Sjå òg |

• Bruer i Noreg


• 
  Bru - Ein tidlegare kommune i Sogn og Fjordane fylke
  

Kjelder |

Bakgrunnsstoff |

• Norsk side for Bruer


• Oversyn over brutypar